ಇಂದೇಕೆ ಹೀಗಿದೆ ?
ಇಂದು ಹಿಂದಿನ ದಿನದಂತೆ ಕಾಣುತ್ತಿಲ್ಲ ಏಕೆ ?
ಯಾವುದೋ ಭಯ ಆಗಸದಲ್ಲಿ ಕವಿದ ಮೋಡದಂತೆ ನನ್ನ ಮನಸನ್ನು ಕವಿದು ಒಂದು ಮಾತನ್ನು ಕೊಡ ಆಡದಂತಹ ಅನುಭವ ತಂದಿಕ್ಕಿದೆ ಏಕೆ ?
ಕೆಲವೊಂದು ಬಾರಿ ಸುಖ ಹೆಚ್ಚಾದಾಗ ಈ ರೀತಿಯ ಅನುಭವ ಆಗುತ್ತದೆಯೇ ? ನಾಳೆ ಯಾರಾದರು ನನಗೆ ಕೊಡಬೇಕಿದ್ದದದನ್ನು ಕೊಡದಿದ್ದರೆ ಏನು ಗತಿ ಅನ್ನುವ ಭಯವೆ ?

"ಯಾವುದಿದು ಹೊಸ ಅನುಭವ ನನ್ನ ಅಂತರಂಗದಿಂ ಅರಳಿ ನನ್ನ ಕೊರಳ ಮಿಸುಕಿದೆ....!!" ?

ಹೌದು ಈ ರೀತಿಯ ಪ್ರಶ್ನೆಗಳು ಇಂದು ನನ್ನನ್ನು ಕಾಡಿ ಕಾಡಿ ನನ್ನ ತಲೆ ಕೊದಲನ್ನು ಕದಡಿಟ್ಟಿದೆ.....!!

ಹಲವು ವರ್ಷಗಳ ಹಿಂದೆ ನಡೆದ ಪ್ರತಿ ಸನ್ನಿವೇಶವು ನನ್ನ ಕಣ್ಣುಗಳ ಮುಂದೆ ಬಿಡದಂತೆ ಬಂದು ಹೋಗುತ್ತಿದೆ ಏಕೆ ?
ಅಲ್ಲದೆ ನನಗಿರುವುದು ಎರಡೇ ಕಣ್ಣು, ಆ ಸಹಸ್ರ ಸನ್ನಿವೇಶಗಳನ್ನು ಮೆಲುಕುಹಾಕಲು ಈ ದಿನ ಸಾಕಾದೀತೆ ?
ವರ್ಷಗಳ ಹಿಂದೆ ನಡೆದಿರುವ ಸಾವಿರಾರು ವಿಷಯಗಳು, ಸ್ನೇಹಿತರೊಡನೆ ಕಳೆದ ದಿನಗಳು, ಸಹುದ್ಯೋಗಿಗಳ ಜೊತೆ ಜರುಗಿದ ದಿನಗಳು ಎಲ್ಲವು ಈ ದಿನ ನನ್ನ ಮನಸಿನ ಹಂಡೆಯ ತಳದಿಂದ ಮೇಲೆದ್ದಿದೆ ಏಕೆ ?

ನಾನು ಅಂದು ತಪ್ಪು ಮಾಡಿದೆನೆ ? ಅಂದು ನಾನು ಅವಳ ಮನಸಿಗೆ ನೋವುಟುಮಾಡಿದೆನೆ ?
ಎನ್ನುವ ಪ್ರಶ್ನೆಗಳು ಈಗ ಮುಗಿಲೇಳಲು ಕಾರಣವಾದರೊ ಏನು ?

ಭಯವೆಂಬುದು ಒಂದು ಪಿಶಾಚಿಯೇ ಸರಿ, ಈ ಭಯವನ್ನು ದೊರ ಮಾಡಲು ನನ್ನೆಲ್ಲ ಪ್ರಶ್ನೆಗಳಿಗೆ ನನ್ನಲ್ಲೆ ಉತ್ತರವನ್ನು ಕಂಡುಕೊಳ್ಳುವ ಪ್ರಯತ್ನ ಮಾಡಬೇಕಿದೆ...!!

ನಿಮ್ಮಲ್ಲಿ ಕೆಲವರಿಗೆ ಈ ರೀತಿಯ ಅನುಭವಗಳು ಆಗಿದ್ದುಂಟೆ ??