ದ್ವೀಪದ

ನಡುವೆ ನಿಂತು

ಸುತ್ತಲೂ ನೋಡಿದೆ.

ನೀರನ್ನು ದಾಟದೇ

ಇನ್ನೊಂದು ನೆಲ ಮುಟ್ಟಲಾರೆ

ಎಂದು ದ್ವೀಪವೇ

ಹೇಳಿತು.

ಅವಳೇಕೆ ಇವನನ್ನು ಪ್ರೀತಿಸಿದಳು?

ಎಂಬ ಪ್ರಶ್ನೆಗೆ

ಈ ತನಕ

ಕುತೂಹಲ ಮಾತ್ರಾ

ಉತ್ತರವಾಗಿ ಉಳಿದಿದೆ.

ಪ್ರೀತಿಗೆ ಪ್ರಶ್ನೆಗಳೇ ಇರುವುದಿಲ್ಲ.

ಇವುಗಳನ್ನು ಓದಿದ ತಕ್ಷಣ ನನಗೆ ನೆನಪಾಗುವುದುದ್ ಲಂಕೇಶರ ’ನೀಲು’ಗಳು. ಕುಂಟಿನಿಯವರ ಬ್ಲಾಗಿನಲ್ಲಿ ನಾನು ಇಂತಹ ಅಸಂಖ್ಯ ಪದ್ಯವಲ್ಲದ ಪದ್ಯಗಳನ್ನು ಕಂಡಿದ್ದೇನೆ.

ಈ ಕುಂಟಿನಿ ಯಾರು ಎಂಬ ಸಹಜ ಆಸಕ್ತಿಯೊಂದಿಗೆ ಹುಡುಕಾಟಕ್ಕಿಳಿದಾಗ ತಿಳಿದದ್ದು. Most handsome man in the earth - ಎಂಬ ವಿವರಣೆ ಮಾತ್ರ.  ಕುಂಟಿನಿ ಎಂಥಾ ಒಳ್ಳೆಯ ಹುಡುಗ ಎಂಬ ಅಭಿಪ್ರಾಯ ಮಾತ್ರ.

ಎಲ್ಲೋ ಕೆಲವೊಮ್ಮೆ ಕುಂಟಿನಿ, ಜಾನಕಿ, ಜೋಗಿ ಗೆಳೆಯರಂತೆ ಕಂಡು ಬಂದರೂ ಕುಂಟಿನಿ ಯಾರು ತಿಳಿಯಲಿಲ್ಲ. ಬಲ್ಲವರು ಈ ಬಲ್ಲಿದನಿಗೆ ಕುಂಟಿನಿಯ ಪರಿಚಯ ಮಾಡಿಕೊಟ್ಟರೆ ಈತ ಧನ್ಯ.