ಗೆಳೆಯರೇ, ನಾನು ಇನ್ಸಕ್ರಿಪ್ಟ್ ಕಲಿಸುವ ಒಂದು ಪ್ಲಗಿನ್ನನ್ನು ಬರೆಯುತ್ತಾ (ಇಂಪು) ಇದ್ದೀನಿ. ಅದನ್ನು ಬಳಸಿ ನೀವುಗಳು ಇನ್ಸಕ್ರಿಪ್ಟ ಕಲಿಯಬಹುದು. ಇದರ ಮೊದಲ ಆವೃತ್ತಿ ನಿಮಗೆ ಆದಷ್ಟು ಬೇಗ ಸಿಗುವಂತೆ ಮಾಡುತ್ತೇನೆ. ಆ ನಿಟ್ಟಿನಲ್ಲಿ ಒಂದು ಸಣ್ಣ ನೆರವು ಬೇಕಾಗಿದೆ. ಈ ಪ್ಲಗಿನ್ ಬೆಳೆಸುವಲ್ಲಿ ನೀವುಗಳೂ ಸಕ್ರಿಯರಾಗಬೇಕು ಎಂಬ ಆಶಯದೊಂದಿಗೆ ಈ ನೆರವು ಕೋರುತ್ತಿದ್ದೇನೆ.

೧. ಈಗ ನೋಡಿ, ಒಬ್ಬ ಯೂಸರ್ ಇಂಪನ್ನು ಓಡಿಸ್ತಾ ಇದ್ದಾನೆ ಅಂತಿಟ್ಟುಕೊಳ್ಳಿ.
೨. ಇಂಪು ಒಂದು ಅಕ್ಷರವನ್ನು ಟೈಪಲು ಯೂಸರಿಗೆ ಕೇಳಿತ್ತೆ.
೩. ಯೂಸರ್ ಸರಿಯಾದ ಅಕ್ಷರವನ್ನು ಟೈಪುವ ತನಕ ಮುಂದೆ ಹೋಗುವುದಿಲ್ಲ.
೪. ಒಂದು ವೇಳೆ ಯೂಸರ್ ಸರಿಯಾದ ಅಕ್ಷರ ಟೈಪಿದರೆ, ಮುಂದಿನ ಅಕ್ಷರವನ್ನು ಇಂಪು ತೋರಿಸಬೇಕು.

ಈ ಮುಂದಿನ ಅಕ್ಷರವನ್ನು ಆರಿಸುವ ಸೂತ್ರಕ್ಕೆ (Random Alphabet Prediction) ಅಕ್ಷರೋದಿ ಅಂತ ಹೆಸರಿಟ್ಟಿದ್ದೇನೆ. ಈ ಟೈಪಿಂಗ್ ಟ್ಯೂಟರುಗಳ alphabet prediction ಬಗ್ಗೆ ನಿಮ್ಮಲ್ಲಿ ಹೆಚ್ಚಿನ ಮಾಹಿತಿ ಇದ್ದರೆ ಒಳ್ಳೆಯ ಪಾಯಿಂಟರ್ ನೀಡಿ ಸಹಕರಿಸಿ.