ಹೆಂಡತಿ - ಯಾರ್ರೀ ಅವಳು ನನ್ನ ಸವ್ತಿ.
ಗಂಡ - ಸವ್ತಿ ಅಲ್ಲ ಕಣೇ.

ಹೆಂಡತಿ - ಮತ್ತಿನ್ನೇನು, ಸವಿತಾನಾ ?
ಗಂಡ - ಲೇಯ್, ಹಾಗಲ್ವೇ.

ಹೆಂಡತಿ - ಮತ್ತಿನ್ಹ್ಯಾಗ್ರಿ, ನಂಗೆಲ್ಲ ಗೊತ್ತು ಬಿಡ್ರಿ. ನಾನ್ ಯಾವಾಗ ಗೊಟಕ್ಕಂತೀನಿ ಅನ್ನೋದೇ ಕಾಯ್ತಾ ಇರ್ತೀರ ನೀವು. <ಅಳು ಇನ್ನೂ ಬಂದಿಲ್ಲ. ನೀರಿನ ಮಣಿ ಜಿನುಗ್ತಾ ಇದೆ>
ಗಂಡ - ಲೇಯ್, ಏನೇ ಇದು. ಸುಮ್ನೆ ಮಾತಿನ್ ವರಸೇಗ್ ಹಾಗಂದೆ ಕಣೇ. ಛೀ ಚಿ, ಇದಕ್ಕೆಲ್ಲ ಅಳ್ತಾರಾ. ಸುಮ್ನಿರು.

ಅದು ನೋಡು, ಮದುವೆ ಆದ ಹೊಸತರಲ್ಲಿ, ನಿನಗೆ ಇಷ್ಟ ಅಂತ ಕೇಳ್ಕೇಳ್ದಾಗ್ಲೆಲ್ಲ ಚಿಪ್ಸು, ಬೋಂಡ, ಬೆಣ್ಣೆ ದೋಸೆ ಎಲ್ಲ ಕೊಡುಸ್ತಾ ಇದ್ನಲ್ಲ. ಅದನ್ನ ಲಂಗುಲಾಗಮಿಲ್ಲದೆ ನೀನು ತಿಂದೂ ತಿಂದೂ ಸ್ವಲ್ಪ ಆಪಲ್ ತರ ಡುಮ್ಮುಗಾಗಿದ್ಯಾ. ಅಷ್ಟೇ.

ಹೆಂಡತಿ - ಆಹಾ! ನೀವೇನ್ ಕಡ್ಮೆನಾ. ನೀವಿರೋದ್ ನೋಡ್ಕೊಳಿ. <ಖುಷಿಯಿಂದ> ರೀ ಹೌದು ಎರಡನೆ ಮದ್ವೆ ಆಗೋ ಹುಡ್ಗಿ ನಂಗಿಂತೂ ಡುಮ್ಮಿಯಾಗಿದ್ರೆ.
ಗಂಡ - ಏಹ್. ಹೋಗೆ ಆ ತರಹ ಏನು ಇಲ್ಲ. ಅವಳು ಸಿಕ್ಕಾಪಟ್ಟೆ ಡಯೆಟ್ಟೆಲ್ಲ ಮಾಡ್ತಾಳೆ. ಬರ್ರೀ ಫ್ರೂಟ್ಸ್ ತಿಂತಾಳೆ ಅಂತೀನಿ.

ಹೆಂಡತಿ - ಆಂ!!!!!