ನೀವು ಅವರ ಸ್ಥಿತೀಲಿದ್ರೆ ನೀವು ಮಾಡೋದೂ ಅದನ್ನೇ. ನಿಮ್ ಥರಾನೇ ಎಲ್ರೂ ಕೆಲ್ಸಕ್ ಹೋಗ್ದೇ ಮನೇಲೇ ಕೂತಿದ್ರೆ ದೇವ್ರೇ ಗತಿ (ಹಾಗಂತ ನೀವು ಹೋಗಿ ಅಂತ ಹೇಳ್ತಿಲ್ಲ. ಅದು ನಿಮ್ಮ ಇಷ್ಟ). ಬಾಸ್ ಕೈಲಿ ಬೈಸ್ಕೋಬೇಕಾಗತ್ತೆ ನಾನು ಕೆಲಸಕ್ಕೆ ಹೋಗಲ್ಲ ಅನ್ನೋರನ್ನ ನಾನು ನೋಡ್ತಿರೋದು ಇದೇ ಮೊದಲು. ಐಟಿ ಕಂಪನಿಗಳಲ್ಲಿ ನೀವು ಹೇಳೋ ಅಷ್ಟು ಕೆಟ್ಟ ಪರಿಸ್ಥಿತಿ ನಾನಂತೂ ನೋಡಿಲ್ಲ. ಆದರೂ ಒಂದು ನೆನಪಿಟ್ಕೊಳಿ.
You must be the change you want to see in the world - ಮಹಾತ್ಮಾ ಗಾಂಧಿ.
ಕೀರ್ತಿ ಕಿರಣ್ ಎಂ

'ಹಿಂದಿನ ಸಾಲ ತೀರಿಸಲೆಂದು ಬಂದಿಹೆವಯ್ಯ ಜನ್ಮವ ತಳೆದು’ ಎಂದು ಯಾವುದೋ ರಾಜ್ಕುಮಾರ್ ಚಿತ್ರದ ಹಾಡಿದೆ. ಅದು ಯಾರುಬರೆದದ್ದೋ ತಿಳಿಯದು. ಆದರೆ ಅದು ಸರಿ ಎಂದು ನನ್ನ ಅನಿಸಿಕೆ. ನಿಜ ಹೇಳಬೇಕೆಂದರೆ ಯಾವುದೇ ಮನುಶ್ಯನಿಗೂ ಕಷ್ಟಪಡಲು ಇಷ್ಟವಿರುವುದಿಲ್ಲ. ಇಲ್ಲದಿದ್ದರೆ ಯಾಕೆ ಜನರು ತಾವು ಮತ್ತು ತಮ್ಮ ಮುಂದಿನ ಸಂತತಿಗಳು ’ಕೂತು’ ತಿನ್ನುವಷ್ಟು ಹಣ ಸಂಪಾದಿಸುವಷ್ಟು ಹಾತೊರೆಯುತ್ತಿದ್ದರು. ಶಾಶ್ವತ ಸುಖ ಇಹದಲ್ಲಿ ಸಾಧ್ಯವೇ ಇಲ್ಲ. ಈ ದೇಹ ಶಾಶ್ವತ ಸುಖಕ್ಕೆ ಸ್ಪಂದಿಸುವುದೂ ಇಲ್ಲ. ಒಂದು ವಾರ ಸುಮ್ಮನೆ ಮನೆಯಲ್ಲಿ ಕೂತರೆ ಕೈಕಾಲು ಸೋಲು ಬರುತ್ತದೆ, ಬುದ್ಧಿ ಮಸುಕಾಗುತ್ತದೆ, ಮನಸ್ಸು ಮಂಕಾಗುತ್ತದೆ, ಯಾರೊಂದಿಗೂ ಮಾತು ಬೇಡವೆನಿಸುತ್ತದೆ. ಸುಮ್ಮನೆ ಬಳಸದೇ ಇಟ್ಟ ಅಕ್ಕಿಯಲ್ಲಿ ಹುಳಬಂದಂತೆ.

ಪಲ್ಲವಿ,

ಸರ್ಕಾರಿ ಕಛೇರಿಗಳಲ್ಲಿ ಕೆಲಸ ಮಾಡುವುದಕ್ಕೂ ಮತ್ತು ಕೆಲಸ ಮಾಡಿಸಿಕೊಳ್ಳುವುದಕ್ಕೂ ವ್ಯತ್ಯಾಸವಿದೆ.
ನಾವು ಎಲ್ಲೇ ಕೆಲಸ ಮಾಡುತ್ತಿದ್ದರೂ ಪ್ರಾಮಾಣಿಕರಾಗಿ ಇದ್ದರೆ ಆಯಿತು. ಕೆಲವೊಮ್ಮೆ ಅದು ಸಾಧ್ಯವಾಗುವುದಿಲ್ಲ ನಿಜ, ಆದರೆ ’ಅದುವೇ ಜೀವನ’ .

ಪಲ್ಲವಿ
ಕಛೇರಿ ಎನ್ನುವುದು ಸಮಾಜವನ್ನು ಪ್ರತಿನಿಧಿಸುತ್ತದೆ
ಸಮಾಜದಲ್ಲಿ ಹೇಗೆ ಎಲ್ಲಾ ಬಗೆಯ ಜನ ಇರ್ರುತಾರೋ ಹಾಗೆಯೇ ಒಂದು ಕಂಪೆನಿಯಲ್ಲಿ ಈ ಎಲ್ಲಾ ಬಗೆಯ ಜನರನ್ನೂ ಕೂಡ ಕಾಣಬಹುದು
ಇಲ್ಲಿ ಪ್ರಾಮಾಣಿಕತೆಯೇ ಮೂರ್ತಿವೆತ್ತ ಜನರೂ , ಹಾಗೆಂದರೆ ಏನೂ ಎಂದು ಗೊತ್ತಿರದವರೂ , ಸಿಡುಕಿನ ಮೋರೆಯವರೂ ಸದಾ ಹಸನ್ಮುಖಿಗಳೂ , ಕರ್ತವ್ಯವನ್ನು ನಿರ್ವಹಿಸುವವರು ,
ನಿರ್ವಹಿಸದವರೂ ಇರುತ್ತಾರೆ
ಹಾಗೆ ಬಾಸ್‌ ಎನ್ನಿಸಿಕೊಳ್ಳುವವರಲ್ಲೂ ಈ ವೈವಿಧ್ಯತೆ ಇರುತ್ತದೆ
ಯಾವುದೇ ನೌಕರನೂ/ನೌಕರಳೂ ತಾನು ಮಾಡುತ್ತಿರುವ ಕೆಲಸ ತೃಪ್ತಿದಾಯಕ . ತಾನು ಇಲ್ಲೇ ಮುಂದುವರಿಯುತ್ತೇನೆ ಎಂದು ಹೇಳುವುದಿಲ್ಲ.
ನಾನೂ ನಾಲಕ್ಕು ವರ್ಷ ವಿವಿಧ ಕಡೆಗಳಲ್ಲಿ ಕೆಲಸ ಮಾಡಿದ್ದೇನೆ ನನಗೆ ಎಲ್ಲೂ ತೃಪ್ತಿ ದೊರಕಲಿಲ್ಲ. ನಿಮ್ಮ ಹಾಗೆಯೆ ಇನ್ನೊಬ್ಬ್ಬರ ಕೈ ಕೆಳಗೆ ನೌಕರಿ ಮಾಡಿ ಮಾಡಿ ಬೇಸರವಾಯ್ತು
ಕೊನೆಗೆ ನನಗೆ ಅನ್ನಿಸಿದ ದಾರಿಯಲ್ಲಿ ನಾನು ನಡೆದೆ . ಈಗ ನಾನು ಬಾಸ್ ಆದರೂ ಆ ತೃಪ್ತಿ ನನಗೆ ಇನ್ನೂ ದೊರಕಿಲ್ಲ
ಕೆಲವೊಮ್ಮೆ ಅನ್ನಿಸುವುದುಂಟು ನಾನು ಮೊದಲಿದ್ದ ಹಾಗೆ ಎಲ್ಲಿಯಾದರೂ ಕೆಲಸ ಮಾಡಿಕೊಂಡು ಇದ್ದರೆ ಚೆನ್ನಾಗಿತ್ತು ಎಂದು. ಮನಸ್ಸಿಗೆ ಸಾಕು ಅನ್ನುವುದೇ ಇಲ್ಲ

ನಿಮಗೆ ಇನ್ನೂ ವಯಸ್ಸು ಚಿಕ್ಕದು
ನಿಮ್ಮ ತಂದೆಯವರ ಬಿಸಿನೆಸ್ ನಲ್ಲಿ ಸಹಾಯ ಮಾಡಿದರೂ ಅದು ಕೆಲ್ಸವೇ. ಅದನ್ನೇ ಮುಂದುವರಿಸಿಕೊಂಡು ಹೋಗಿ . ಅಥವಾ ಅನುಭವ ಬೇಕೆಂದರೆ ಕಷ್ಟವೋ ಸುಖವೋ ಇನ್ನೊಬ್ಬರ ಕೈ ಕೆಳಗೆ ಕೆಲಸ ಮಾಡಿ
ಒಂದು ನೆನಪಿನಲ್ಲಿಡಿ

"ಪ್ರತಿಯೊಂದು ಕಪ್ಪು ಮೋಡದಲ್ಲೂ ಒಂದು ಬೆಳ್ಳಿಗೆರೆ ಇರುತ್ತದೆಯಂತೆ"

http://thereda-mana.blogspot.com/

ರೂಪ

ಪಲ್ಲವಿ,
ನಾವು ಏನೇ ಕೆಲಸ ಮಾಡಿದರೂ/ಮಾಡುತ್ತಿದ್ದರೂ, ಎಲ್ಲೇ ಕೆಲಸ ಮಾಡಿದರೂ/ಮಾಡುತ್ತಿದ್ದರೂ, ನಮ್ಮ ಕೆಲಸದಲ್ಲಿ ಪ್ರಾಮಾಣಿಕವಾಗಿ ಇರಬೇಕು.

>>ಅಪ್ಪನ ಚಿಕ್ಕ ಬಿಸಿನೆಸ್‌ಗೆ ಒಂದಿಷ್ಟು ಸಹಾಯ ಮಾಡ್ತೀನಿ, ಅಷ್ಟೇ.
ನೀವೇ ಹೇಳಿರುವಂತೆ, ನಿಮ್ಮ ತಂದೆಯವರ ಬಿಸಿನೆಸ್ ನಲ್ಲಿ ಸಹಾಯ ಮಾಡಿದರೂ ಅದು ಕೆಲಸವೇ. ಅದನ್ನೇ ಪ್ರಾಮಣಿಕವಾಗಿ ಮುಂದುವರಿಸಿ. ಅದನ್ನು ನೀವು ಮಾಡ್ತಾ ಇದ್ದೀರಾ, ಮುಂದೆಯೂ ಮಾಡ್ತೀರಾ ಅಂತ ನಂಗೆ ಅನ್ಸುತ್ತೆ...

ಆದ್ರೆ, ನಿಮಗೆ ಏನು ಸರಿ ಅಂತ ಅನ್ಸುತ್ತೋ ಅದನ್ನೇ ಮಾಡಿ...

ಒಟ್ಟಿನಲ್ಲಿ ನಿಮ್ಮ ಬದುಕಿನ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಬೇಕಾಗಿರುವವರು ನೀವೇ... ಬೇರೆ ಯಾರೂ ಅಲ್ಲ... ನಾವೇನಿದ್ದರೂ ಸಲಹೆ ನೀಡಬಹುದು, ಆದ್ರೆ ಫೈನಲ್ ಡಿಸಿಷನ್ ಮಾತ್ರ ನಿಮ್ಮದೇ ಆಗಿರುತ್ತೆ...

ಇಂತಿ ನಿಮ್ಮ ಪ್ರೀತಿಯ,
ಅನಿಲ್ ರಮೇಶ್.

ಪಲ್ಲವಿ.... ಇದೆಲ್ಲಾ ಕಾಮನ್ ಅಲ್ವಾ? ಈ ಎಲ್ಲವನ್ನೂ ನಾವೂ ಅನುಭವಿಸಿದ್ದೇವೆ. ಆದ್ರೂ ಮುಂದೆ ಏನು ಬರೀತಿಯಾ ಅನ್ನೋದರ ಬಗ್ಗೆ ಕುತೂಹಲ ಇದೆ ನೋಡೋಣ. ಅಂಥಾ ಏನ್ ದೊಡ್ಡ ಸವಾಲ್ ಅಲ್ಲಾ... ಆದ್ರೆ ಕೆಲಸ ಮಾಡಿ ನೋಡು.... ಅದನ್ನ ಬೇಕಾದ್ರೆ ಸವಾಲು ಎನ್ನಬಹುದು. - ಶ್ರೀದೇವಿ ಕಳಸದ

ಯಾಕ್ರಿ ಅಷ್ಟು ಮನಸ್ಸಿಗೆ ಹಚ್ಕೋತಿರಾ? ನೋಡ್ರಿ ’ಕೆಲಸದ ಗಡಿಬಿಡಿಯಲ್ಲಿ ಬರಿಲಿಕ್ಕೆ ಸಮಯ ಸಿಗಲ್ಲ’ ಅಂದ್ರೆ, ಅವರು ಅದನ್ನ ಪ್ರಮಾಣಿಕವಾಗಿ ನಂಬಿರಬಹುದು. ನೀವು ಅದನ್ನ ಸವಾಲು ಅಂತ ಯಾಕೆ ತಿಳೀತಿರ? ನೀವೂ ಬೇಕಾದ್ರೆ ಹೇಳಿ ನನಗೆ ಬರೆಯೊದು ಓದೋದರ ನಡುವೆ ಕೆಲಸಕ್ಕೆ ಹೋಗೊಕ್ಕೆ ಮನಸ್ಸು ಬರ್ತಾ ಇಲ್ಲ ಅಂತ... ನೀವು ನಿಮಗೆ ಸರಿ ಅನಿಸಿದ್ದನ್ನ ಮಾಡ್ರಿ, ಸುಮ್ ಸುಮ್ನೆ ಸಣ್ಣ ಸಣ್ಣ ವಿಷಯ ಮನಸ್ಸಿಗೆ ಹಚ್ಗೊಬ್ಯಾಡ್ರಿ.

ಶಿಲ್ಪ
ಭವಿಶ್ಯ ನಮ್ಮ ಕೈಯಲ್ಲಿಯೆ ಇದೆ

ಪಲ್ಲವಿಯವರೆ,
ನೀವು ಹಾಕಿರುವ ಚಿತ್ರದ ಹಾಗೆ, ಕಚೇರಿ ಕೆಲಸ ನಮ್ಮನ್ನು ಒಮ್ಮೆ ಇರುವೆ, ಒಮ್ಮೆ ಬೆರಳಿನ ಜಾಗದಲ್ಲಿ ನಿಲ್ಲಿಸುತ್ತೆ. ಮೇಲಿದ್ದರೂ, ಕೆಳಗಿದ್ದರೂ ಮನಸ್ಸಿನ ಸಮತೋಲನ ಕಾಪಾಡಿಕೊಂಡು ಕೆಲಸ ಮಾಡಬೇಕು. ಆಫೀಸಿನಲ್ಲಿ productivity ಯಲ್ಲದೆ ಬೇರೆ ಭಾವನೆಗಳಿಗೆ ಅವಕಾಶವಿಲ್ಲ. ಅಲ್ಲಿ ಜೀತದಾಳಿನ ತರಹ ದುಡಿದು ಬಂದು ಮನೆಯಲ್ಲಿ ಕೂತು ಕತೆ, ಕವನ ಅಂತ ಬರೆಯಲು ಸಾಧ್ಯವೆ ಇಲ್ಲ. ಮೂಡ್ ಇರುವುದಿಲ್ಲ, ಸಮಯ ಸಿಗುವುದಿಲ್ಲ, ಸುಸ್ತಾಗಿರುತ್ತೆ, ಏನೂ ಯೋಚಿಸದೆ ಟಿ.ವಿ. ನೋಡುತ್ತ ಆಯಾಸ ಪರಿಹರಿಸಿಕೊಳ್ಳೋಣ ಅನ್ನಿಸತ್ತೆ. ನಾನು ಎಷ್ಟೋ ಬರೆಯಬೇಕೆಂದುಕೊಂಡು ಕೊನೆಗೆ ಸಮಯದ ಅಭಾವದಿಂದ ಬರೆಯಲು ಆಗಿಲ್ಲ. ಅಥವ ಒಮ್ಮೊಮ್ಮೆ ನಾನು ಯೋಚಿಸಿದ ವಿಷಯದ ಎಳೆ ನನಗೇ ಮರೆತು ಹೋಗುತ್ತೆ

ನನ್ನ ಬದುಕಿನಲ್ಲೂ ನಿಮ್ಮ ತರಹದ carefree ದಿನಗಳಿದ್ದವು. ನಾನೂ ಅವನ್ನು ನನ್ನ ರೀತಿಯಲ್ಲಿ ಅನುಭವಿಸಿದೆ, ಸವಿದೆ. ಈಗ ನನ್ನದು ಬೇರೊಂದು ಜೀವನದ ಘಟ್ಟ. ಇರಲಿ. ನೀವು ಏನು ಮಾಡಿದರೂ ನಿಮಗೆ ಇಷ್ಟವಾದದನ್ನು ಮಾತ್ರ ಮಾಡಿ, ಸ್ವಸಂತೋಷಕ್ಕಾಗಿ ಮಾಡಿ. ಈಗ ಕಳೆದ ದಿನಗಳು ಮತ್ತೆ ಬರದು. ಇದನ್ನು ಮಾತ್ರ ಖಚಿತವಾಗಿ ಹೇಳಬಲ್ಲೆ.

~ಕಲ್ಪನ