ಈ generation gap ಬರ್ತಾ ಬರ್ತಾ ಜಾಸ್ತಿ ಆಗ್ತಾ ಇದೆ ಅಲ್ವಾ?

ನಮ್ಮ ಹರೆಯದವರಿಗೆ ಹಲವು ಸರತಿ ನಮ್ಮಗಿಂತ ಹಳೆಯ ತಲೆಗಳ ಯೋಚನೆ, ಅರ್ಥ ಮಾಡಿಕೊಳ್ಳವ ರೀತಿ, ನೀಡುವ ಕಾರಣವೆಲ್ಲ ಹಿಡಿಸುವುದೇ ಇಲ್ಲ. ಕೆಲವು ಸರತಿಯಂತೂ ಏನು stupid ಆಗಿ ಮಾತಾಡ್ತಾರೆ ಅನ್ಸಿಬಿಡುತ್ತೆ.

ಅವರಿಗೆ ನಾವು "ಉದ್ದಟರು, ವಿತಂಡವಾದಿಗಳು, ತಲೆಹರಟೆಗಳು, ದೊಡ್ಡವರಿಗೆ ಗೌರವ ನೀಡದವರು, ಸಂಸ್ಕೃತಿ-ಸಂಪ್ರಾದಯಕ್ಕೆ ಬೆಲೆಕೊಡದವರು....ಇನ್ನು ಏನೇನೋ". ಏನು ಹೇಳಿದರು "ಗೌರವ ಇಲ್ಲ, ಗೌರವ ಇಲ್ಲ"..

ಅವರ ಮಾತು ಸುರುವಾಗೋದೇ "ನಮ್ಮ ಕಾಲದಾಗೆ ಹೇಗಿತ್ತು ಗೊತ್ತಾ.. ದೊಡ್ಡವರನ್ನು ಕಂಡರೆ ಹೆದರಿ ನಡುಗುತಿದ್ವಿ.". ಅರೇ!! ನಿಮ್ಮ ಕಾಲದಾಗೆ ಹಾಗಿತ್ತು ಸರಿ, ಆದರೆ ನಮ್ಮ ಕಾಲದಾಗೆ ಹೀಗಿದೆ.!!

ಇದಕ್ಕೆಲ್ಲ ಕಾರಣಗಳನ್ನು ಯೋಚಿಸಿದಾಗ ನನಗೆ ಅನ್ನಿಸುವುದು....

ಹೇಗೆ ಜಗತ್ತಿನಲ್ಲಿ ಪ್ರಭಾವಿಸಿದ್ಧಾಂತಗಳು ಬದಲುತ್ತವೆ, ಹಾಗೆ ಹಿಂದಿನ ಸಿದ್ಧಾಂತದಡಿ ಆಳಿಸಿಕೊಂಡ, ಆ ಸಿದ್ಧಾಂತದಡಿ ವಿನ್ಯಾಸವಾಗಿದ್ದ ಕಲಿಕೆಯನ್ನು ಕಲಿತ, ಆ ಸಿದ್ದಾಂತಕ್ಕಿಂತ ಭಿನ್ನವಾಗಿ ಬೇರೆಯಾದ ಯೋಚನೆಯಿದೆ ಎಂದು ಊಹಿಸಲು ತಲೆಗೆಡಿಸಿಕೊಳ್ಳದೇ ಹೋದ ಮಂದಿಗೆ ಬದಲಾದ ಸಂದರ್ಭದಲ್ಲಿನ ಹೊಸ ಪ್ರಭಾವಿಸಿದ್ಧಾಂತವನ್ನು ಒಪ್ಪುವುದು, ಅರಿಯುವುದು, ಅದಕ್ಕೆ ಒಗ್ಗುವುದು ಬಹಳ ಕಷ್ಟವೆನಿಸುತ್ತದೆ.

ನಮ್ಮ ತಂದೆಯ ಕಾಲದವರನ್ನು ನೆಹರು ಅವರ socialist ಮಂದಿ ಆಳಿದರು. ಅವರಿಗೆ ಸರಕಾರವೇ ಸರ್ವಕಾರಿ( ಎಲ್ಲವನ್ನು ಮಾಡುವ ಸಂಸ್ಥೆ ) ಅಂತ ಇಂದು ನಂಬಿಕೆ. ಅವರಿಗೆ ಈ private telecom ಕಂಪೆನಿಗಳು ಬಂದ ತಕ್ಕಣ response "ಹಾಗೆ ಹೇಗೆ ಆಗುತ್ತೆ?" ಅಂತ.

ನಾವು ಬೆಳೆದು graduation ಮುಗಿಸಿ, ಕೆಲಸಕ್ಕೆ ಬರುವ ವೇಳೆಗೆ ನೆಹರು ಸಿದ್ಧಾಂತ ಮಣ್ಣು ಕಚ್ಚಿ, ನಮ್ಮ ಮನಮೋಹನ ಸಿಂಗರು(ನರಸಿಂಗ ರಾಯರ ಕಾಲದಾಗೆ ಸುರುವಾದ ) ಸುರು ಮಾಡಿದ "liberalization/gloablization" ಕಾಲ ಬಂದುಬಿಟ್ಟಿತ್ತು. ನಮ್ಮ ಕಣ್ಣೆದುರೇ "ನಿಗಮ"ಗಳು ಎದ್ದವು. ಅದಕ್ಕೆ ತಕ್ಕಂತೆ ನಮ್ಮ ಕಲಿಕೆಯಲ್ಲೂ ಹಲವು ಬದಲಾವಣೆಯಾಗಿರುತ್ತೆ.

ಇಂದು ಮಂದಿ ಎಲ್ಲವನ್ನು "ಇದು ಯಾಕೆ, ಹೇಗೆ, ಏಕೆ ಬೇಕು" ಎಂದು ಕೇಳುವುದನ್ನು ಹೆಚ್ಚು ಮಾಡಿದ್ದಾರೆ; ಯಾವುದೋ ಒಂದು ಸಿದ್ಧಾಂತ-ತತ್ವಗಳನ್ನು ಕೇವಲ ಗೌರವಕ್ಕಾಗಿ ಒಪ್ಪದೇ, ಅದನ್ನು ಅರಿತೇ ಒಪ್ಪಲು ತುಡಿಯುತ್ತಾರೆ; "ಕುರುಡು ನಂಬಿಕೆ/ಅರ್ಥವಿಲ್ಲದ ಆಚರಣೆ"ಗಳು ಎಂದು ಅನ್ನಿಸಿದವನ್ನು ಮುಲಾಜಿಲ್ಲದೇ ಬಿಡುತ್ತಾ ಇದ್ದಾರೆ; ಎಂದು ನನ್ನ ಅನಿಸಿಕೆ. ಇದು ಕೆಲವು ’ಹಳೇ ತಲೆ’ಗಳ ಕೆಂಗಣ್ಣಿಗೆ ಕಾರಣವಾಗಿದ್ದು, ಬದಲಾವಣೆಯನ್ನು ಒಪ್ಪಲು ತಯಾರಾಗದೆ, ಅವರು ಈ ಕಾಲದ ಹರೆಯದವರನ್ನು "ಸಾಮ, ದಾನ, ಭೇದ, ದಂಡ.." ಮುಂತಾದವುಗಳಿಂದ ತಡೆಯಲು ನೋಡಿ, ಆಗದಿದ್ದಾಗ deserate ಆಗಿ ಬಿಡ್ತಾರೆ.

ಈ intellectual progress(change)ಗೆ ಕಾರಣಗಳಲ್ಲಿ ನಮ್ಮ ಕಾಲದ(ಈ ಕಾಲದ) ಮಂದಿ ಹೆಚ್ಚು ಓದುವ ಇಂಗ್ಲೀಸು ಬರಹಗಳು, ನಾವು ನೋಡುವ ಇಂಗ್ಲೀಸು ಸಿನಿಮಾಗಳು, ಇನ್ನಿತರ western influenceಗಳು ಒಂದು ಕಾರಣವಿರಬೇಕು. ನಮ್ಮ ಹಿಂದಿನ ಜೀವನವನ್ನು ನಂಬಿಕೆಗಳನ್ನು ಓದಿದವರು "ಅಯ್ಯೋ ಇಷ್ಟು ಕುರುಡು ನಂಬಿಕೆಗಳೇ, ಅರ್ಥವಿಲ್ಲದ ಆಚರಣೆಗಳು, ತಾರತಮ್ಯಗಳು, ವರ್ಗಸಂಘರ್ಷ, ವರ್ಣದ ಹೆಸರಲ್ಲಿ ತುಳಿತ, ಸತ್ಕುಲದ ಹೆಸರಲ್ಲಿ ಮೇಲುವರ್ಣೀಯರ ದರ್ಪ, ಹೆಣ್ಣಿಗೆ ಕಟ್ಟಪಾಡು, ದೇವರು ದಿಂಡರ ಹೆಸರಲ್ಲಿ ಹುಚ್ಚಾಟಗಳು, ಆಧ್ಯಾತ್ಮ ಎಂಬ ಗಲಿಬಿಲಿ ಗೊಂದಲ" ಅಂತ ಮಾಡಿ, ತಿರುಗಿಬೀಳಕ್ಕೆ ಧೈರ್ಯಮಾಡುವುದು ಇನ್ನೊಂದು ಮುಖ್ಯಕಾರಣವಿರಬಹುದು.

ಒಟ್ಟಿನಲ್ಲಿ ಬದಲಾವಣೆಗಳು ಆಗುತ್ತಿರುವ ಗತಿ ನೋಡಿದರೆ ನಮಗೂ ನಮ್ಮ ಮುಂದಿನ generationಗೂ gap ಇನ್ನೇಷ್ಟು ದೊಡ್ಡದಿರಬಹುದು.? ನಮ್ಮ ಮಾತುಗಳು ಅವರಿಗೆ ಇನ್ನೆಷ್ಟು stupid ಅನ್ನಿಬಹುದು.? ನಮಗೂ ಅವರಿಗೂ ಎಷ್ಟು understanding differenceಗಳು ಬರಬಹುದು.? ಎಂಬ ಕುತೂಹಲವು ಅಂಜಿಕೆ ತರುತ್ತೆ !!