ಡಿ.ಎನ್.ಶಂಕರಬಟ್ಟರ ಹೊಚ್ಚ ಹೊಸ ಹೊತ್ತಗೆ ಮಾತಿನ ಒಳಗುಟ್ಟಂನು ಅಂತೂ ಶನಿವಾರ ಬಲು ಎಡರುಗಳನ್ನು ದಾಟಿ ಪಡೆದುಕೊಂಡೆನು. ಇದಕ್ಕಾಗಿ ಗಾಂದಿನಗರದ ಸಪ್ನಕ್ಕೆ ಹೋಗಿದ್ದೆ. ಬೆಲೆ ೧೨೦ರೂ. ಇದು ಶಂಕರಬಟ್ಟರ ತಮ್ಮ ಹಿಂದಿನ ಹೊತ್ತಗೆಯಲ್ಲಿ ಹೇಳಿದೆ "ಹೊಸ ಬರಹದಲ್ಲಿದೆ"

ತಲೆಇಣುಕುಗಳು
೧) ಸೊಲ್ಲರಿಮೆ = ವ್ಯಾಕರಣ
೨) ಮಾತು ಅಂದರೇ ಏನು? ಜೇನುನೊಣಗಳ ಮಾತು, ಕಿವುಡರ ಮಾತು?
೩) ಮಾತು ಮತ್ತು ಉಲಿಕೆ
೪) ಅರ್‍ತ ಅಂದರೇನು?
೫) ಸದ್ದು, ಪದ, ಸೊಲ್ಲು
೬) ಕನ್ನಡವಾಡುವ ಎಲ್ಲರಲ್ಲೂ ಹುದುಗಿರುವ ಗುಟ್ಟಾದ ಮೇಲ್ಮಟ್ಟ ತಿಳಿವಾದ ಕನ್ನಡ ಸೊಲ್ಲರಿಮೆಯ ಗುಟ್ಟುಗಳು. ಮತ್ತು ಆ ಗುಟ್ಟುಗಳನ್ನು ಹೇಳಿ ತಿಳಿಸುವುದರಲ್ಲಿ ಕನ್ನಡಿಗರ ಸೋಲು.
೭)ಕನ್ನಡಬಗೆಗಳು.
೮) ಹಕಾರ ಇಲ್ಲದ ಕನ್ನಡ ಎಂಬುದು ಒಂದು ಕಿರುನುಡಿ. ಅದೊಂದು ನೆಲದ ಗುಣ. ಹಕಾರ ಬಿದ್ದುಹೋಗುವುದು ಕನ್ನಡನೆಲದ ತಲೆಯಿಂದ ಅಡಿಯವರೆಗೂ ಇರುವ ಸಂಗತಿ.
೯) ಕನ್ನಡ ತಾಯ್ನುಡಿಯಾದ ಮಕ್ಕಳು, ಕನ್ನಡದಲ್ಲೇ ಮೊದಲು ಕಲಿಯಬೇಕು. ಕನ್ನಡದಲ್ಲಿ ತಕ್ಕಮಟ್ಟಿಗೆ ಓದಿಬರೆಯಲು ಬಂದ ಬಳಿಕ ಬೇರೆನುಡಿಕಲಿಯವೇಕು. ಆದರೆ ’ಕನ್ನಡ’ ಎಂದರೆ ಹೇರಳವಾಗಿ ಹೊರನುಡಿಪದದುಂಬಿದ, ಹೊರನುಡಿಪದಗಳಿಗೋಸುಗ ಉಲಿಕೆ ಮಾಡಿದ ಕನ್ನಡವಲ್ಲ. ಇಲ್ಲಿ ಕನ್ನಡವೆಂದರೆ ನಮ್ಮ ನೆಲದ ಉಲಿಕೆ ಮತ್ತು ಹೆಚ್ಚು ಒರೆಗಳನ್ನು ಬಳಸುವ ದಿಟಗನ್ನಡ.

ಒಟ್ಟಾರೆ:
ತುಂಬಾ ಚಂದದ ಹೊತ್ತಗೆ. ಅಚ್ಚಗನ್ನಡದ ಒರೆಗಳ ಬಳಕೆ ಕಣ್ಣುಕೋರಯ್ಸುವಂತದ್ದು. ಕನ್ನಡದ ದಿಟಮಾಟ ತಿಳಿಬಯಸುವವರು ಓದಲೇಬೇಕಾದುದು.