++++++ ಇದು ಬ್ಲಾಗು+++++++ಇದು ದಿಟ ಎಂದು ಹೇಳ್ತಾ ಇಲ್ಲ+++++++ಇದು ಅನಿಸಿಕೆಯಶ್ಟೇ+++++++
ಈ ಹಯ್-ಕೋರ್ಟು ತೀರ್ಪು ಬಂದ ಬಳಿಕ ಮತ್ತು ನಮ್ಮ ವೆಬ್ಬಲ್ಲಿರುವ ಕೆಲವು ತಾಣಗಳಲ್ಲಿ ಕನ್ನಡ ಮೀಡಿಯಮ್ಮಲ್ಲಿ ಕಲೀಬೇಕು ಬ್ಯಾಡ ಅಂತ ಬರಹಗಳು ಬಂದ ಬಳಿಕ ನನಗೆ ಹಲವರು ಈ ಬಗ್ಗೆ ತಲೆತಿಂದುದು ದಿಟ. ಪುರುಸೊತ್ತಿಲ್ಲದರಿಂದ ಮತ್ತೆ ಮತ್ತೆ ಹೇಳಿದನ್ನೇ ಹೇಳುವ ಬದಲು ಒಂದು ಬ್ಲಾಗ್ ಎಸಗಿ ಬಿಡುವುದು ಒಳ್ಳೇದು.

ನನಗೆ ಈ ಬಗ್ಗೆಯ ಬರಹಗಳಲ್ಲಿ ರವಿಬೆಳಗರೆಯವರ ಬರಹ ಅದ್ಯಾಕೋ ತುಂಬಾ ಹಿಡಿಸಿತು..

ನನ್ನ ಮಗು ನನ್ನ ಹಾಗೇನೇ ಎಲ್.ಕೇ.ಜಿ ಇಂದಲೇ ಅಪ್ಪಟ ಇಂಗ್ಲೀಶ್ ಮೀಡಿಯಮ್ಮಲ್ಲೇ ಓದೋದು.. ನಾನು ಪಸ್ಟ್‌ ಲ್ಯಾಂಗ್ವೇಜ್ ಕನ್ನಡ ಓದಿದ್ದೆ, ಅದು ಇಂಗ್ಲೀಶ್ ಇಲ್ಲ ಸಂಸ್ಕ್ರುತವನ್ನೇ ಓದೋದು. ಕನ್ನಡವನ್ನ ಒಂದು ವೇಳೆ ಸ್ಕೂಲಲ್ಲಿ ಕಲಿಯದಿದ್ದರೂ ಅಡ್ಡಿಯಿಲ್ಲ.

ಯಾಕೆ ಹಿಂಗೆ?
೧) ನಮ್ಮ ಸ್ಕೂಲ್ಗಳಲ್ಲಿ ಹೇಳಿಕೊಡುವ ಕನ್ನಡವು ೫೦-೬೦% ಸಂಸ್ಕ್ರುತ ಮಯ. ಹಾಗೇ ಕನ್ನಡವ್ಯಾಕರಣವೂ ಕೂಡ. ಈ ವ್ಯಾಕರಣ ಹೇಗೆ ಕನ್ನಡದ ದಿಟಸ್ವರೂಪವನ್ನು ತಿಳಿಸುವುದೇ ಇಲ್ಲ ಎಂದು ಶಂಕರಬಟ್ಟರ, ಕೇ.ವಿ.ನಾರಾಯಣರ ಬರಹಗಳು ಸಾರಿವೇ. ಮಕ್ಕಳು ಒಂದು ಬಾಶೆಯ ವ್ಯಾಕರಣವನ್ನಾದರೂ ಸರಿಯಾಗಿ ಕಲಿಯಬೇಕು. ಹೀಗೆ ಅರೆಬರೆ ವ್ಯಾಕರಣ ಕಲಿತರೆ ಯಾವ ನುಡಿಯೂ ನೆಟ್ಟಗೆ ಬರಲ್ಲ.. ಅದಕ್ಕೆ ಶುದ್ದಸಂಸ್ಕ್ರುತವ್ಯಾಕರಣವನ್ನು ಮತ್ತು ಇಂಗ್ಲೀಶನ್ನು ಕಲಿಯಲಿ.. ಬಳಿಕ ಶಂಕರಬಟ್ಟರ ಹೊತ್ತಗೆಗಳನ್ನು ಓದಿಸಿ ನೋಡಪ್ಪ.. ನಮ್ಮ ತಾಯಿನುಡಿ ಕನ್ನಡ ಹೀಗೆ ಹೀಗೆ ಸಂಸ್ಕ್ರುತವಲ್ಲ ಎಂದು ತಿಳಿಸಲು ಸುಲಬವಾಗುವುದು.

೨) ಇಂಗ್ಲೀಶ್ ಮೀಡಿಯಮ್ಮಲ್ಲೇ ಓದಬೇಕು... ಮುಂದೆ ಅದು ಓದೋದು ಸಯ್ನಸೋ, ಕಾಮರ್ಸೋ, ಆರ್ಟ್ಸೋ, ಇಂಜಿನಿಯರಿಂಗ್, ಮೆಡಿಸಿನ್ನೋ, ಮುಂತಾದವನ್ನಾ ಹೊರತು ಬರೀ ಕನ್ನಡ, ಇಂಗ್ಲೀಶನ್ನಲ್ಲ.. ಹಲವು ವಿಶಯಗಳ ಮುಂದಿನ-ಓದು ಕನ್ನಡದಲ್ಲಿ ಇಲ್ಲವೇ ಇಲ್ಲವಲ್ಲ.. ಅವು ಬರೀ ಕೆಲವು ಬ್ಲಾಗು ಮತ್ತು ಬರಹಗಾರರ ಹೊತ್ತಗೆಯೊಳಗಿನ ಕನಸು. ನಮ್ಮ ಮಗುವಿಗೆ ನನ್ನ ಹಾಗೇ ಕನ್ನಡದಲ್ಲಿ ಆಸಕ್ತಿ ಇರಲೇ ಬೇಕು ಎಂದು ಒತ್ತಾಯ ಮಾಡುವಂತವನು ನಾನಲ್ಲ.. ಒತ್ತಾಯ ಮಾಡಿದರೂ ಅದು ಕೇಳುವುದು ಎಂಬ ಗ್ಯಾರೆಂಟಿಯಿಲ್ಲ. ಅದಕ್ಕೆ ಏನು ಬೇಕೋ, ಬೇಡವೋ, ಓದಿ ಹೊಟ್ಟೆಹೊರೆಯಲಿ.. ನಮಗೆ ದುಡ್ಡಿಗೆ ಕಾಟ ಕೊಡದಿದ್ದರೆ ಸರಿ

೩) ಅಪ್ಪ ಸಂಸ್ಕ್ರುತ ಪಂಡಿತ ಅಂತ ತಕ್ಶಣ ಅವನ ಮಗುವಿಗೂ ಪಾಂಡಿತ್ಯ ಹಾಗೇ ನೆತ್ತರಲ್ಲಿ ಬಂದು ಬಿಡಲ್ಲ.. ನನಗೆ ಕನ್ನಡ ಬಂದ ಹಾಗೆ ನಮ್ಮ ಮಗುವಿಗೆ ಬರದೇ ಇರಬೋದಲ್ಲ.. ಅದಕ್ಕೆ ವ್ಯಾಕರಣ ಅಂದರೇ ಅಲರ್ಜಿಯಾಗೀ ಬರೆವಣಿಗೆ ಅಂದರೆ ವಾಂತಿ ಬಂದರೆ? ಹೋಗಿ ಆಟಗಾರನೋ ಇನ್ನೇನೋ ಆಗಬೋದಲ್ಲ.. ಆಗ ಇಂಗ್ಲೀಶ್ ಬೇಕು.

ಯಾವಾಗ ಕನ್ನದಲ್ಲೇ ಓದಬೇಕು ಎಂದು ಅನ್ನಿಸ್ತದೆ ಅಂದರೆ
೧) ಏನು ಬೇಕಾದರೂ ಕನ್ನಡದಲ್ಲೇ ಓದಬೋದು.. ಹಾಗು ಅದರಿಂದ ಸಲೀಸಾಗಿ ಇಶ್ಟವಾದ ಕೆಲಸ ಪಡೆಯಬೋದು.
೨) ಸ್ಕೂಲ್ಗಳಲ್ಲಿ ನಮ್ಮ ಆಡುಮಾತಿನ ಕನ್ನಡ ಹೇಗಿದೆ ಅದರ ಸೊಗಡೇನು.. ಕನ್ನಡ ದಿಟವಾದ ಸ್ವರೂಪ ಏನು? (ಮಾದರಿ : ಹೇಗೆ ಕನ್ನಡದಲ್ಲಿ ನಾಲಕ್ಕು ಲಿಂಗಗಳಿವೆ.. ಅವರು ಇದು ಯಾವ ಲಿಂಗ.. ಯಾವಾಗ ಏಕವಚನ, ಯಾವಗದು ಬಹುವಚನ ) ಎಂದು ತಿಳಿಸಿದಾಗ...

ಒಂದು ಮಣ ಹೊತ್ತಗೆಗಳನ್ನು ಓದಿ ಕೊನೆ ಕೆಲಸಕ್ಕೆ ಬರದವರಾದರೇ ಏನು ಬಂತು ಬಾಗ್ಯ.!!

ಕೆಲವರಿದ್ದಾರೆ ಕನ್ನಡ ಮೀಡಿಯಮ್ಮಲ್ಲಿ ಓದದೇ ಇರೋರು ಕನ್ನಡಿಗರೇ ಅಲ್ಲವಂತೆ.. ಇದು ಹೇಗೆ ಅಂದ್ರೆ ಒಂದು ಡೆಪೆನಿಶನ್ನು ಇದೆ...
"ಕನ್ನಡಿಗ ಅಂದರೆ ಯಾವುದದಾರೂ ಒಂದು ಕನ್ನಡ ಸಂಗದ ಮೆಂಬರು" ಅಂದ ಹಾಗಾಯ್ತು...

ಕನ್ನಡಿಗ ಆಗೋದು ಕನ್ನಡ ಓದೋದ್ರಿಂದಲೂ ಅಲ್ಲ ಬರೆಯೋದ್ರಿಂದಲೂ ಅಲ್ಲ ಕನ್ನಡ ಮಾತಾಡೋದ್ರಿಂದಲೂ ಅಲ್ಲ..
ಕನ್ನಡಿಗ ಆಗೋದು ಹುಟ್ಟಿನಿಂದ.... ಕನ್ನಡ ಅನ್ನೋದು ಅದೊಂದು ತಳಿ..