ನಾನೂ ನೀನೂ ಜೊತೆಗೆ ಹೋದ್ವು
ಮೂಲೇಲಿ cola ಕುಡಿಯಕ್ಕೆ
ನಂಗೇನ್ ಗೊತ್ತಿತ್ತು, ಕೋಲದಿಂದ
ನಿಂಗೆ ನೆಗಡಿ ಆಗುತ್ತೆ ಅಂತ ||

ನಾನೂ ನೀನೂ ಓಡಿ ಹೋದ್ವು
PVRಅಲ್ಲಿ ಸಿನಿಮಾ ನೋಡಕ್ಕೆ
ನಂಗೇನ್ ಗೊತ್ತಿತ್ತು, ಅದು
ದೊಡ್ಡ ತೋಪೆದ್ದೋಗಿರೋದು ಅಂತ ||

ನಾನೂ ನೀನೂ ಕಾರಲ್ಲಿ ಹೋದ್ವು
KRS ಬಲಮುರಿ ಸುತ್ತಕ್ಕೆ
ನಂಗೇನ್ ಗೊತ್ತಿತ್ತು. ಅವೊತ್ತು
ತಾರಾಮಾರಾ ಮಳೆ ಹುಯ್ಯತ್ತೆ ಅಂತ ||

ವ್ಯಾಲೆಂಟೈನ್ಸ್ ಡೇ ದಿನ ನಿಂಗೊಂದು
ನಾನು ನಾಯಿಬೊಂಬೆ ತಂದ್ ಕೊಟ್ಟೆ
ನಂಗೇನ್ ಗೊತ್ತಿತ್ತು, ಅದು
ನಿನ್ನ ಸತ್ತ ನಾಯಿ ನೆನೆಪಿಸುತ್ತೇ ಅಂತ ||

ಅವೊತ್ತು miss-call ಕೊಡ್ದೆ
ನೀನೇ ನಂಗೆ ಪೋನ್ ಮಾಡ್ದೆ.
ನಂಗೇನ್ ಗೊತ್ತಿತ್ತು, ಅಮೆರಿಕ
ಹುಡುಗನ ಜೊತೆ ಹಾರ್‍ ಹೋಗ್ತಿಯ ಅಂತ ||

ಹಿಂಗೆಲ್ಲ ಆಯ್ತಲ್ಲ ಅಂತ ನಾನು
ಒನ್ ಚೂರು ತಲೆಕೆಡಿಸಿಕೊಂಡಿಲ್ಲ
ನಂಗೇನ್ ಗೊತ್ತಿತ್ತು, ಮಾರನೇ ದಿನಾನೇ
ನಿಂಗಿಂತ ಸಕ್ಕತ್ ಫಿಗರ್‍ ಸಿಗ್ತಾಳೆ ಅಂತ ||