ಮಹೇಶ,
ನಾನು ಈ ಚಿತ್ರ ನೋಡಿಲ್ಲ. ಆದರೆ ಕೇಶವರು ಹೇಳಿದ್ದು ನನಗೂ ಸರಿ ಅನಿಸುತ್ತದೆ. ಇದು ನುಡಿಗೆ ಸಂಬಂಧ ಪಟ್ಟ ವಿಷಯವಲ್ಲ. ನಾವು ಹೊಲೆಯ ಮಾದಿಗ ಎಂದು ಯಾರನ್ನೂ ಕರೆಯುವುದಿಲ್ಲ. ಕನ್ನಡದಲ್ಲೂ "ದಲಿತ" "ಕಪ್ಪುಜನ" ಎಂದೆಲ್ಲಾ ಹೇಳುವುದು ರೂಢಿಸಿಕೊಂಡಿದ್ದೇವೆ. ಹಿಂದೆ ಹರಿಜನ ಅನ್ನುತ್ತಿದ್ದರು, ಈಗೀಗ ಅದು ಸರಿಯಲ್ಲ ಎಂಬ ಮಾತಿದೆ.
ಒಟ್ಟಾರೆ, ಕರೆಸಿಕೊಳ್ಳುವವರಿಗೆ ಸಂಬಂಧಿಸಿದ ವಿಷಯವಿದು. ಅವರಿಗೆ ಆ ಪದದ ಬೇಗೆ ಏನು ಅನಿಸುತ್ತದೆ ಅನ್ನುವುದು ಮುಖ್ಯ. ಈಗಿ ನೀವಿರುವ ಕೆಲಸದಲ್ಲೋ, ಮನೆಯ ಅಕ್ಕಪಕ್ಕದಲ್ಲೋ ಇರುವ ಕಪ್ಪು ಮಂದಿಗೆ ನನ್ನ ಭಾಷೆಯಲ್ಲಿ "ಹೀಗೇ ನಿನ್ನನ್ನು ಕರೆಯುತ್ತೇನೆ ಸರಿಯಾ" ಎಂದು ಕೇಳಿ ನೋಡಿ. ಅದು ಒಳ್ಳೆಯ ಟೆಸ್ಟ್.
ನಾವೂ ಕಪ್ಪು ಜನ ಎಂಬ ವಾದವೂ ಹುರುಳಿಲ್ಲದ್ದು. ಅದು ಬರೇ ಚರ್ಮದ ಬಣ್ಣಕ್ಕಲ್ಲ - ಆ ಜನಾಂಗದ ಚರಿತ್ರೆಗೆ ಸಂಬಂಧಪಟ್ಟಿದ್ದು.
ಇನ್ನು ಚರಿತ್ರೆಯ ಯಾವುದೋ ಘಟ್ಟದಲ್ಲಿ ನಡೆಯುವ ಘಟನೆಯನ್ನು ಚಿತ್ರಿಸುವಾಗ, ಅಂದು ಬಳಕೆಯಲ್ಲಿದ್ದ ಪದವೇ ಆಡಿದ್ದರೆ ಅದೂ ಇಂದಿನ ನಮ್ಮ ನಡೆತೆಗೆ ಸಮಜಾಯಿಷಿಯಾಗದು.

ಅಂದಹಾಗೆ ಮರೆತುಬಿಟ್ಟೆ-
ಕನ್ನಡದವರನ್ನು - ಕಪ್ಪುಮಂದಿಯ ಹೋರಾಟದ ಜತೆ ಸಮೀಕರಿಸುವುದು ತುಂಬಾ ಸಿಂಪ್ಲಿಫೈ ಮಾಡಿದಂತೆ. ಇಬ್ಬರಿಗೂ ಅನ್ಯಾಯಮಾಡಿದಂತೆ.

ಕೊನೆಯದಾಗಿ - ಸಿನೆಮಾವನ್ನು ಸೀರಿಯಸ್ಸಾಗಿ ತಗೋಬಾರದು. ಅದು ಇರುವುದು ಬರೀ ಮೋಜು ಮಜಕ್ಕೆ ಎಂದು ಹಿಂದೊಮ್ಮೆ ನೀವು ನನಗೆ ಉಪದೇಶ ಮಾಡಿದ್ದಿರಿ