ಇಂದು ಬೆಳಗ್ಗೆ ಏನಾಯ್ತು ಗೊತ್ತಾ?

ಎಂದಿನ ಸೋಮವಾರದಂತೆ ಈ ಸೋಮವಾರವೂ ಹೆಚ್ಚು ಟ್ರಾಪಿಕ್ ಇಕ್ಕಟ್ಟು ಇರತ್ತೆ ಅಂತ ಗೊತ್ತಿದ್ದರೂ ಕೊಂಚ ತಡವಾಗೇ ಹೊರಟಿದ್ದು. ಮಾಮೂಲಿಯಂತೆ ಒಂಬತ್ತುಗಂಟೆ ಮಾರತಳ್ಳಿ ಸೇತುವೆಯಲ್ಲಿ ಸಿಕ್ಕಿ ಹಾಕಿಕೊಂಡಿದ್ದೆ.. ನನ್ನ ಕಾರ ಮುಂದೆ ಒಂದು ದೊಡ್ಡ ಹಳ್ಳೀ ಬಸ್ಸು ಎಡ್ಡಂದಿಡ್ಡಿ ಹಾಯುತ್ತಿತ್ತು. ನನ್ನ ನಾಲಕ್ಕು ಕಣ್ಣು ನಲವತ್ತುಕಣ್ಣಾದಂತೆ ಗಮನ ಆ ಬಸ್ಸಿನ ಹಿಂಬದಿಯ ಮೇಲೆ.

ಸಿಗ್ನಲ್ ಹಸಿರಾಯಿತು ನಾನು ಇನ್ನೇನು ಸೇತುವೆಯಿಂದ ಕೆಳಗಿಳಿಯಲು ಬಲಜಾರಿನ ದಾರಿಗೆ ತಿರುಗಿದೆ, ನನ್ನ ಪೋನು "ಜಿಂಕೆ ಮರೀನ ಜಿಂಕೆ ಮರೀನಾ" ಎಂದು ಹಾಡು ಹೊಡೆದುಕೊಳ್ಳತ್ತಿತ್ತು. ನಾನು ಬಲಗಯ್ಯಲ್ಲಿ ಸ್ಟೇರಿಂಗ್ ತಿರುಗಿಸುತ್ತಾ, ಎಡಗಯ್ಯಲ್ಲಿ ನನ್ನ ಮೊಬಯ್ಲ್ ತಿರುಗಿಸಿ ನೋಡಿದೆ.. ’Anivasi' ಅಂತ ಇಂಗ್ಲಿಶ್ ಅಕ್ಕರದಲ್ಲಿ ಸಕ್ಕದದ ಪದ ಕನ್ನಡಿಗನಿಗೆ ಕಂಡಿತು.. ಕಾಮನ್ನಾಗಿ ಇಂತಹ ಸನ್ನಿವೇಶದಲ್ಲಿ ನಾನು ಕರೆತಗೊಳ್ಳಲ್ಲ.. ಆದರೂ ಅನಿವಾಸಿಯದು ಎಂದು ಪೋನ್ ತಗೊಂಡು ಒಂದೇ ಉಸಿರಲ್ಲಿ "ಡ್ರವ್ ಮಾಡ್ತಾ ಇದ್ದೀನಿ.. ಅರ್ದ ಗಂಟೆ ಬಿಟ್ ಪೋನ್ ಮಾಡಿ" ಎಂದು ಲಬಲಬನೆ ಹೇಳಿ ಪೋನ್ ಆಪು ಮಾಡಿದೆ.

ಆಪೀಸಿಗೆ ತಲುಪಿದಾಗ ಮತ್ತೆ ಪೋನ್ ಮಾಡಿದ ಅನಿವಾಸಿ ನಾನು ಲಬಲಬನೆ ನುಡಿದ ಬಗೆಯನ್ನು ಬಣ್ಣಿಸಿದ್ದು ನನಗೆ ನಗು ತಂತು..

ನಮ್ ಬೆಂಗಳೂರ ಕೆಟ್ಟ ರಸ್ತೆಗಳ ಮೇಲೆ ನಾವೆಲ್ಲ ಏನೆಲ್ಲ ಸರ್‍ಕಸ್ ಮಾಡ್ತೀವಿ ಅಲ್ವ?