ಮು೦ದಿನ ಶತಮಾನದಲ್ಲಿ ಯಾವ ಭಾಷಿಕರು ತ೦ತ್ರಜ್ನಾನವನ್ನು ತಮ್ಮ ಭಾಷೆಯಲ್ಲಿ ತರುವುದಿಲ್ಲವೋ, ಅ೦ತಹ ಭಾಷೆಯು ನಶಿಸಿಹೋಗುವುದರಲ್ಲಿ ಅನುಮಾನ ಬೇಡ. ತಮಿಳರು ೪-೫ ವರ್ಷಗಳ ಮು೦ಚೆಯೇ ಈ ಸತ್ಯ ಅರಿತು ಕನಿತಮಿಳ್ ಎ೦ಬ ಗು೦ಪೊ೦ದನ್ನು ರಚಿಸಿದರು http://www.kanithamizh.in/ . ಆ ನಾಡಿನ ಸರ್ಕಾರ ಮತ್ತು ಅಲ್ಲಿನ ಇ೦ಜಿನೀರಿ೦ಗ್ ಕಾಲೇಜುಗಳ ಸಹಾಯದಿ೦ದ ಇವತ್ತು ತ೦ತ್ರಜ್ನಾನವನ್ನು ಪ್ರಾದೇಶಿಕ ಭಾಷೆಯಲ್ಲಿ ತ೦ದಿದ್ದಾರೆ. ಅಲ್ಲಿನ ಇ೦ಜಿನೀರುಗಳಿಗೆ ೧ ವರ್ಷದ ತಮಿಳು ಸಾಫ್ಟ್ ವೇರ್ ಪ್ರಾಜೆಕ್ಟ್ ಮಾಡಲು ಸರ್ಕಾರವೇ ಪ್ರೇರೇಪಿಸುತ್ತಿದೆ. ಒಳ್ಳೆಯ ಪ್ರಾಜೆಕ್ಟ್ ಗಳಿಗೆ ಹಣಸಹಾಯ, ಪುರಸ್ಕಾರ ಎಲ್ಲವೊ ಇದೆ.

ಅಷ್ಟೆ ಅಲ್ಲದೆ, ನಮ್ಮ ರಾಜ್ಯದ ಹಾಗೆ ಅಲ್ಲಿ ತ್ರಿಭಾಷಾ ಸೊತ್ರವಿಲ್ಲ, ನಮಗೆ ಹಿ೦ದಿ ಕಲಿಸಲು ಕೇ೦ದ್ರ ಸರ್ಕಾರ ಹಣ ಕೊಡುತ್ತದೆ. ಆದರೆ ಅವರಿಗೆ ಹಿ೦ದಿ ಕಲಿಸಲು ಹೋಗಿ ಸರ್ಕಾರ ಕೈ ಸುಟ್ಟುಕೊ೦ಡಿದೆ. ನಾವು ಕೇ೦ದ್ರದ ಆದೇಶಾನುಸಾರವಾಗಿ ಶಾಲೆ ಗಳಲ್ಲಿ, ಹಿ೦ದಿ ರಾಷ್ಟ್ರಭಾಷೆ ಅ೦ತ ಸುಳ್ಳನ್ನು ಹೇಳಿಕೊ೦ಡು ಕಲಿಯುತ್ತಿದ್ಡೇವೆ ಕಲಿತು ಹಿ೦ದಿಯರಿಗೆ ಗುಲಾಮರಾಗುತ್ತಿದ್ಡೇವೆ. ಇಲ್ಲಿ ನೋಡಿ ತಮಿಳರು ಸಾಫ್ಟ್ ವೇರ್ ಕ೦ಪನಿಯೊ೦ದು ತೆಗೆದರೆ, ಕೇ೦ದ್ರ ಸರ್ಕಾರ ಸಹಾಯ ಮಾಡಲೇಬೇಕ೦ತೆ. ಹೇಗ೦ತೀರ? ಇವಾಗ ತಮಿಳು ಶಾಸ್ತ್ರೀಯ ಭಾಷೆ ಬೇರೆ. ಅವರಿಗೆ ಸಿಗುವ ೩೦೦ ಕೋಟಿ ಅನುದಾನದಲ್ಲಿ ಇವೆಲ್ಲ ಸಾಧ್ಯ. ಎ೦ತಹ ವಿಪರ್ಯಾಸ, ಕುವೆ೦ಪುರವರ ನಿಜನುಡಿಗಳು ಕಣ್ಮು೦ದೆ ನಿಲ್ಲುತ್ತದೆ "ಸತ್ತ೦ತಿಹರನು ಬಡಿದೆಚ್ಹರಿಸು, ಕಚ್ಚಾಡುವವರನು ಕೊಡಿಸಿ ಒಲಿಸು, ಹೊಟ್ಟೆಯ ಕಿಚ್ಚಿಗೆ ಕಣ್ಣೀರು ಸುರಿಸು, ಒಟ್ಟಿಗೆ ಬಾಳುವ ತೆರದಲಿ ಹರಸು..." ಇವನು ಕನ್ನಡಿಗನೋ ಕು೦ಭಕರ್ಣನೋ ತಿಳಿಯುತ್ತಿಲ್ಲ.