ಲೇಖನ: 'ಫ್ಲೋರೈಡ್' ಕರ್ನಾಟಕ..ಕನ್ನಡಿಗರ ಮೇಲೆ 'ಸ್ಲೋರೈಡ್' ಮಾಡುತ್ತಿರುವ 'ಫ್ಲೋರೋಸಿಸ್'!
ಪರಿವೇಶಣ
'ಸಂಪದ'ದಲ್ಲಿ ಹರಿ ಪ್ರಸಾದ್ ನಾಡಿಗ್ ಬರೆಯುವ ಬ್ಲಾಗ್.
ಕಂಪ್ಯೂಟರ್ ಮೇಲಿನ ಪ್ಲಾನೆಟೇರಿಯಂ - ಸ್ಟೆಲ್ಲೇರಿಯಮ್
ಸ್ಕೂಲಿನಲ್ಲಿ, ಕಾಲೇಜಿನಲ್ಲಿ ಓದುತ್ತಿದ್ದಾಗ ಘಂಟೆಗಟ್ಟಲೆ ಕರೆಂಟು ಹೋದರೆ ಅದು ತನ್ನದೇ ರೀತಿಯಲ್ಲಿ ಒಂದು ಒಳ್ಳೆಯ ಕೆಲಸ ಮಾಡುತ್ತಿತ್ತು. ನಮ್ಮೆನ್ನೆಲ್ಲ ಮಹಡಿಗೆ ಓಡಿಸಿ ನಕ್ಷತ್ರಗಳನ್ನು ಗುರುತಿಸುತ್ತ ಕೂರುವ ಕೆಲಸಕ್ಕೆ ಹಚ್ಚುತ್ತಿತ್ತು!
ಆದರೆ ಬೆಂಗಳೂರಿನಲ್ಲಿ ನಕ್ಷತ್ರಗಳನ್ನು ಗುರುತಿರುಸುವುದಿರಲಿ, ಕಾಣುವುದೇ ಕಷ್ಟ! ಅತ್ತ ಸಿಟಿ ಕಡೆಯಿಂದ ಬೆಳಕು ಇಡೀ ಆಕಾಶವನ್ನೇ ಆವರಿಸಿದಂತಿರುತ್ತದೆ. ಕರೆಂಟು ಹೋಗಿದ್ದರೂ ಕಾಣದು - ಬೇರೆಲ್ಲ ಕಡೆ ಇರುತ್ತದಲ್ಲ!
ಆದರೆ ಇಲ್ಲೊಂದು ಚೆಂದದ ತಂತ್ರಾಂಶ ಇದೆ ನೋಡಿ. ಇದರ ಹೆಸರು ಸ್ಟೆಲ್ಲೇರಿಯಮ್. ನಿಮ್ಮ ಕಂಪ್ಯೂಟರ್ ಮೇಲೇ ಒಂದು ಪ್ಲಾನೆಟೇರಿಯಂ ಇದ್ದ ಹಾಗೆ!
ಅಷ್ಟೇ ಅಲ್ಲ, ಈ ತಂತ್ರಾಂಶ ಸ್ವತಂತ್ರ ತಂತ್ರಾಂಶ ಕೂಡ ಹೌದು! ನೀವು ಈ ತಂತ್ರಾಂಶವನ್ನು ಬದಲಾಯಿಸಬಹುದು, ಹಂಚಬಹುದು, ಬೇರೆಯವರಿಗೂ ಹಾಕಿಕೊಡಬಹುದು.
ಡೆಬಿಯನ್ ಅಥವ ಡೆಬಿಯನ್ ರೀತಿಯ (ಉಬುಂಟು ಇತ್ಯಾದಿ) ಗ್ನು/ಲಿನಕ್ಸ್ ಸಿಸ್ಟಮುಗಳಲ್ಲಿ ಈ ತಂತ್ರಾಂಶವನ್ನು ಹಾಕಿಕೊಳ್ಳಲು ಮಾಡಬೇಕಾದುದು ಇಷ್ಟೇ:
$apt-get install stellarium
ಗಮನಿಸಿ: ಈ ತಂತ್ರಾಂಶ ವಿಂಡೋಸ್ ಹಾಗು ಮ್ಯಾಕ್ ಬಳಸುವವರಿಗೂ ಲಭ್ಯವುಂಟು!

- hpn ರವರ ಬ್ಲಾಗ್
- Login or register to post comments
- 770 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ






- ನಿರ್ವಾಹಕರ ಗಮನಕ್ಕೆ ತನ್ನಿ



RSS:
ಪ್ರತಿಕ್ರಿಯೆಗಳು
ಉ: ಕಂಪ್ಯೂಟರ್ ಮೇಲಿನ ಪ್ಲಾನೆಟೇರಿಯಂ - ಸ್ಟೆಲ್ಲೇರಿಯಮ್
ಹರಿ,
ಇದರ ವಿಷಯ ಬರೆದು ಒಳ್ಳೇದು ಮಾಡಿದ್ರಿ
ಹಿಂದೆ ಒಂದೆರಡು ಸಲ ಆಕಾಶದ ವಿಷಯ ಬರೆದಾಗ ನಾನೂ ಸ್ಟೆಲ್ಲೇರಿಯಂ ಬಳಸಿ ಚಿತ್ರ ಹಾಕಿದೀನಿ.
-ಹಂಸಾನಂದಿ
ಹರಿದಾಸ ಸಂಪದ:- http://haridasa.in/
ಉ: ಕಂಪ್ಯೂಟರ್ ಮೇಲಿನ ಪ್ಲಾನೆಟೇರಿಯಂ - ಸ್ಟೆಲ್ಲೇರಿಯಮ್
ಆಗ...ಕರೆಂಟ್ ಹೋದರೆ ಆಕಾಶ...!
ಈಗ...ಕರೆಂಟ್ ಇದ್ದರೆ ಆಕಾಶ!!!
-ಸವಿತ
ಉ: ಕಂಪ್ಯೂಟರ್ ಮೇಲಿನ ಪ್ಲಾನೆಟೇರಿಯಂ - ಸ್ಟೆಲ್ಲೇರಿಯಮ್
ಈಗ...ಕರೆಂಟ್ ಇದ್ದರೆ ಆಕಾಶ!!!
ಬರಹ, ಈ ಪ್ರತಿಕ್ರಿಯೆ ಎರಡೂ ಚೆನ್ನ.
*ಅಶೋಕ್
ಉ: ಕಂಪ್ಯೂಟರ್ ಮೇಲಿನ ಪ್ಲಾನೆಟೇರಿಯಂ - ಸ್ಟೆಲ್ಲೇರಿಯಮ್
ಉ: ಕಂಪ್ಯೂಟರ್ ಮೇಲಿನ ಪ್ಲಾನೆಟೇರಿಯಂ - ಸ್ಟೆಲ್ಲೇರಿಯಮ್
ಎಂದು ಬರುವದೋ ನನ್ನ ಮನೆಗೆ ಬ್ರಾಡುಬ್ಯಾಂಡ್ ?
ಎಂದು ಮಾಡುವೆನೋ ಲೀನಕ್ಸ್ ಕಾನ್ಫಿಗರ್
ಎಂದು ಹಾಕ್ಕೊಳ್ಳುವೆನೋ ಇವನ್ನೆಲ್ಲವ
ಅಂತ ಎಂದಿಗಾಹುದೋ ನಿನ್ನ ದರುಷನ ಹಾಡಿನಂತೆ
ಅಂತ ಹಾಡ್ಕೊಳ್ತಾ ಇದೀನಿ.
"ಕನ್ನಡದ ಪುಲ್ಲೆನಗೆ ಪರಮ ಪಾವನ ತುಳಸಿ"
ಉ: ಕಂಪ್ಯೂಟರ್ ಮೇಲಿನ ಪ್ಲಾನೆಟೇರಿಯಂ - ಸ್ಟೆಲ್ಲೇರಿಯಮ್
ಶ್ರೀಕಾಂತ್, ಕೊನೆಯ ವಾಕ್ಯ ಗಮನಿಸಿ:
>> ಗಮನಿಸಿ: ಈ ತಂತ್ರಾಂಶ ವಿಂಡೋಸ್ ಹಾಗು ಮ್ಯಾಕ್ ಬಳಸುವವರಿಗೂ ಲಭ್ಯವುಂಟು!
- HPN
ನನ್ನ ಬ್ಲಾಗುಗಳು: ಪರಿವೇಶಣ | PariveshaNa
ಉ: ಕಂಪ್ಯೂಟರ್ ಮೇಲಿನ ಪ್ಲಾನೆಟೇರಿಯಂ - ಸ್ಟೆಲ್ಲೇರಿಯಮ್
ಉಬುಂಟು (ಕುಬುಂಟು) ಲಿನಕ್ಸನಲ್ಲಿ KStars ಅಂತ ಒಂದು ಇದೇ ರೀತಿಯ ಪ್ರೊಗ್ರಾಂ ಇದೆ. ಅದರಲ್ಲಿ ತುಂಬಾ options ಇವೆ.
ಉ: ಕಂಪ್ಯೂಟರ್ ಮೇಲಿನ ಪ್ಲಾನೆಟೇರಿಯಂ - ಸ್ಟೆಲ್ಲೇರಿಯಮ್
ಚೆನ್ನಾಗಿದೆ, ಸಮಯ ಕೊಲ್ಲಲು ಉತ್ತಮ ಸಾಧನ..
--
PaLa