> ವರದಿಗಾರರಿಗೆ ಬುದ್ಧಿ ಬರುವುದು ಯಾವಾಗ?

ಸದ್ಯಕ್ಕಂತೂ ಕಾಣೆ...!
ಈಗೇನಿದ್ದರೂ...
ಸತ್ಯಕ್ಕಿಂತಾ ಮಸಾಲ ಸುದ್ದಿ ಮುಖ್ಯ --> ಮಸಾಲ ಹೆಚ್ಚು ಇದ್ದಷ್ಟು ಜನ ಹೆಚ್ಚು ನೋಡುತ್ತಾರೆ-->
ಹೆಚ್ಚು ನೋಡಿದರೆ ಹೆಚ್ಚು ಜಾಹಿರಾತು --> ಹೆಚ್ಚು ಜಾಹಿರಾತಿನಿಂದ ಹೆಚ್ಚು ಹಣ...!
ಯಾರೋ ಪತ್ರಿಕೆ/ನ್ಯೂಸ್ ಚಾನಲ್ ಹುಟ್ಟು ಹಾಕಿದವರು ಚೆನ್ನಾಗಿ ಹಣ ಮಾಡುತ್ತಾರೆ...

ಹಣವನ್ನು ತರದ ಕಾರ್ಯಕ್ರಮಗಳು ಹಿಂದೆ ಸರಿಯುತ್ತಿವೆ... ಸುಳ್ಳು ಹೆಚ್ಚು ನಲಿಯುತ್ತಿದೆ...
ಎಲ್ಲ 'ರಿಯಾಲಿಟಿ ಷೋ' ಗಳ ಕಥೆ ಇಷ್ಟೇ ಅಲ್ಲವೇ?
ಜನರ ಮುಂದೆ ಬಯ್ದಾಡುವ ಜಡ್ಜ್ ಗಳ ದೃಶ್ಯ ಎಲ್ಲೆಡೆ ರಾರಾಜಿಸುತ್ತದೆ...
ಜಡ್ಜ್ ಸ್ಥಾನಕ್ಕೆ ಅಪಮಾನ ಮಾಡಿದಂತೆ...ಅಲ್ಲವೇ?
ಇದೆಲ್ಲ ಮಕ್ಕಳಿಗೆ ಹೇಗೆ ಪ್ರಭಾವ ಬೀರುವುದೋ !

ಮಾಧ್ಯಮಕ್ಕೆ/ಪತ್ರಿಕೆಗಳಿಗೆ ಫ್ರಾನ್ಸ್ ನ ಪ್ರಧಾನಿಯ ಹೆಂಡತಿಯ ಚಿತ್ರಗಳು ಮುಖ್ಯವೇ ಹೊರತು ನಮ್ಮಲ್ಲಿರುವ ರೈತರ ಸಮಸ್ಯೆಗಳಲ್ಲ...

ಇಂಡಿಯಾ ಟೈಮ್ಸ್.ಕಾಂ ಒಮ್ಮೆ ತೆಗೆದು ನೋಡಿ - ಇಂಡಿಯ ಸುದ್ದಿ ಮಸೂರದಿಂದ ಹುಡುಕಬೇಕಷ್ಟೆ ಇತ್ತೀಚೆಗೆ! ಹೆಸರಿಗೆ ಮಾತ್ರ ಇಂಡಿಯ ಟೈಮ್ಸ್!

ನೀವು ಹೇಳಿದ ಗ್ರಹಣದ ವಿಚಾರವಾದರೂ ಪರವಾಗಿಲ್ಲ...
ಆರುಷಿ ಪ್ರಕರಣದಲ್ಲಂತೂ ತಂದೆ-ಮಗಳ ಸಂಬಂಧವನ್ನೇ ಹಿಂದೆ ಮುಂದೆ ನೋಡದೆ ಕೆಡಿಸಿದರು!
ಹಲವಾರು ದಿನಗಳು ಇದರ ಬಗ್ಗೆ ಚರ್ಚೆ ಬೇರೆ!

ಇಡೀ ಪತ್ರಿಕಾ ಮಾಧ್ಯಮವೇ ಕುಲಗೆಟ್ಟಿದೆ...
ಬೆನ್ನಟ್ ಮತ್ತು ಕೋಲ್ಮನ್ ಕಂ. ಬೆನ್ನಿಗೆ ಕೋಲಿನಿಂದ ಬಾರಿಸಬೇಕು, ನನಗಿಸುವಂತೆ ಇವರೇ ಇತ್ತೀಚಿನ ಕಳಪೆ ಸ್ಥಿತಿಗೆ ಒಂದು ಮುಖ್ಯ ಕಾರಣ...ಕೊಚ್ಚೆ ಗುಂಡಿಗೆ ದಾರಿದೀಪವಾಗಿ ನಿಂತಿದ್ದಾರೆ...
ಇದೆ ಜಾಡು ಹಿಡಿದಿದೆ ಕನ್ನಡ ಪತ್ರಿಕೆಗಳು...
ಇದರ ಬಗ್ಗೆ ಎಷ್ಟು ಚರ್ಚಿಸಿದರೂ ಸಾಲದು

--ಶ್ರೀ

Well researched ಹಾಗೂ ತಾರ್ಕಿಕ ಬರೆಹ. ಶ್ರೀಯರು ಹೇಳಿದಂತೆ ಸತ್ಯಕ್ಕಿಂತ ’ಸುದ್ದಿ ಮಾಡುವುದು’ ಮುಖ್ಯ ಈಗ ಮಾಧ್ಯಮಗಳಿಗೆ. ಮೊದಲು ಸುದ್ದಿ ಎಬ್ಬಿಸಿಬಿಡೋಣ, ಬಹಳಷ್ಟು ಜನ ನಂಬಿದರೆ ಆ ಸುದ್ದಿಯೇ ಸತ್ಯವಾಗುತ್ತದೆ ಎನ್ನುವು ಧೋರಣೆಯೇನೋ! ಅಥವಾ ಬರೆ ನಿರ್ಲಕ್ಷ್ಯವೋ.

ನಲ್ವರೇ,

ಆ ಬರಹಕ್ಕೆ ನಿಮ್ಮ ಕಮೆಂಟನ್ನು ನೋಡಿದೆ..

ಜಯ್ನರ ಜೋತಿಸಿಯವಂತೆ

ಈ ಕುರುಡು ಕಣಿಯಿಂದ ನಮ್ ಮಂದಿ ಯಾವಾಗ ಎಚ್ಚೆತ್‌ಕೊಳ್ತಾರೋ!!

ಪ್ರತೀ ಹುಣ್ಣಿಮೆಗೂ ಚಂದ್ರಗ್ರಾಣ, ಅಮಾಸೆಗೆ ಸೂರ್ಯಗ್ರಾಣ ಆಗಬೋದು.

ಮೊನ್ನೆ ಯಾರೋ ಯೇಳಿದ್ದು. ಇವೊತ್ತು ಚಂದ್ರಗ್ರಾಣ, ಅದೂ ಅಲ್ದೇ ವುಣ್ಣಿಮೆ.. ಕೆಟ್ಟದಿಸ ಅಂತ..

ಅಲ್ಲ.. ಚಂದ್ರಗ್ರಾಣ ವುಣ್ಣಿಮೆದಿಸ ಆಗ್ದೆ, ಅಮಾಸೆಯಾಗೆ ಆಯ್ತದ?

ಎಸ್.ಕೆ.ಜೈನರು ಯಾಕೆ ಹೀಗೆ ಹೇಳಿದರೋ ಗೊತ್ತಿಲ್ಲ. ಆದರೆ ಅವರು ಜ್ಯೋತಿಷ್ಯವನ್ನು ಬಹಳ ವೈಜ್ಞಾನಿಕ ರೀತಿಯಲ್ಲೇ ನಿರೂಪಿಸುತ್ತಾರೆ. ಬಹಳಷ್ಟು ನಿದರ್ಶನಗಳನ್ನೂ ನೀಡುತ್ತಾರೆ.

ವರದಿಗಾರರ ಬಗ್ಗೆ ನೀವು ಬರೆದಿದ್ದರಲ್ಲಿ ತಪ್ಪಿಲ್ಲ ಹಂಸನಂದಿಯವರೇ. ತುಂಬ ಜನ ಹಾಗೇ ಇದ್ದಾರೆ. ಕಾಗುಣಿತ ದೋಷಗಳಷ್ಟೇ ಅಲ್ಲ, ಬರವಣಿಗೆಯ ಹದ, ಸತ್ಯಾಸತ್ಯತೆ ಕೂಡ ಕೆಟ್ಟಿರುತ್ತದೆ. ಆದರೆ, ಜಂಭಕ್ಕೆ ಮಾತ್ರ ಕೊರತೆಯಿಲ್ಲ.

ದಟ್ಸ್‌ ಕನ್ನಡ ಒಂದೇ ಅಲ್ಲ, ಬಹಳಷ್ಟು ಅಂತರ್ಜಾಲ ತಾಣಗಳು ಬುರ್ಖಾತಾಣಗಳಾಗಿವೆ. ಅಲ್ಲಿ ನೇರವಾಗಿ ನಿಮ್ಮ ಪ್ರತಿಕ್ರಿಯೆ ಹಾಕಲು ಬಿಡುವುದಿಲ್ಲ. ಉಗಿಯುತ್ತಾರೆ ಎಂಬ ಭಯ. ಹಿಂದೆ ನಾನು ಕೂಡ ಹಲವಾರು ತಾಣಗಳಿಗೆ ಪ್ರತಿಕ್ರಿಯೆ ಬರೆದಿದ್ದೆ. ಆದರೆ, ಪ್ರಕಟವಾಗಲಿಲ್ಲ. ಕಾರಣ ತಿಳಿದ ನಂತರ, ಪ್ರತಿಕ್ರಿಯೆ ಹಾಕುವುದನ್ನೇ ಬಿಟ್ಟೆ. ಪ್ರತಿಕ್ರಿಯೆಗಳನ್ನು ಇಷ್ಟೊಂದು ಶೋಧಿಸುವವ ಬುದ್ಧಿ ಇರುವವರು, ಪ್ರಕಟವಾಗುವ ಮುನ್ನ ಕೆಟ್ಟ ಬರಹಗಳು ಹಾಗೂ ವರದಿಗಳನ್ನು ಏಕೆ ಶೋಧಿಸುವುದಿಲ್ಲವೋ.

- ಚಾಮರಾಜ ಸವಡಿ

ಇಲ್ಲ ರೀ - ಕಾಮೆಂಟ್ ಏನೂ ಮಾಸ್ಕ್ ಮಾಡಿರ್ಲಿಲ್ಲ. - ಅದೇನೋ ತೊಂದರೆ ಇತ್ತು ಅನ್ಸತ್ತೆ. ಆಮೇಲೆ ಅಲ್ಲೇ ಕಮೆಂಟ್ ಹಾಕೋದಕ್ಕೆ ಆಯ್ತು..

-ಹಂಸಾನಂದಿ
ಹರಿದಾಸ ಸಂಪದ:- http://haridasa.in/

ಮತ್ತೆ ದಟ್ಸ್ ಕನ್ನಡ ಲೇಖನವನ್ನು ಓದುವಾಗ ಅಲ್ಲಿದ್ದ ಇನ್ನೆರಡು ಮಾತುಗಳು ಗಮನಸೆಳೆದವು

ಆಮೇಲೆ, ಇವುಗಳು ಎಷ್ಟು ಸರಿ ಎಂದು ಒಮ್ಮೆ ನೋಡಿದೆ

೨೦೦೪ ರ ಸುನಾಮಿ ಬಂದದ್ದು - ಡಿಸೆಂಬರ್ ೨೬, ೨೦೦೪ ರಂದು ; ಆ ವರ್ಷ ದ ಕಡೆಯ ಚಂದ್ರಗ್ರಹಣ ಆದದ್ದು ಅಕ್ಟೋಬರ್ ಇಪ್ಪತ್ತೆಂಟಕ್ಕೆ! ಅಂದರೆ ಸುಮಾರು ೨ ತಿಂಗಳ ನಂತರ

ಡಯಾನ ಸತ್ತದ್ದು ಆಗಸ್ಟ್ ೩೧, ೧೯೯೭ರಂದು. ಆ ವರ್ಷ ಸೆಪ್ಟೆಂಬರ್ ೨ ಕ್ಕೆ ಸೂರ್ಯ ಗ್ರಹಣವೂ, ಸೆಪ್ಟೆಂಬರ್ ೧೬ಕ್ಕೆ ಚಂದ್ರಗ್ರಹಣವೂ ಆಗಿವೆ. ಅಂದರೆ, ಮುಂದೆ ಹದಿನೈದು ದಿನ ನಂತರ ನಡೆಯಲಿರುವ ಗ್ರಹಣದಿಂದ ಡಯಾನಾ ಸತ್ತಿದ್ದು! ಅಬ್ಬ!

ಈ ಎರಡು ಘಟನೆಗಳೂ ಅದಕ್ಕೆ ಮುಂಚೆ ನಡೆದಿರುವ ಯಾವುದಾದರೂ ಚಂದ್ರಗ್ರಹಣದ ನಂತರ ನಡೆದ ಘಟನೆಗಳು ಅಂತ ಧಾರಾಳವಾಗಿ ಹೇಳಬಹುದಷ್ಟೇ!!!!

-ಹಂಸಾನಂದಿ
ಹರಿದಾಸ ಸಂಪದ:- http://haridasa.in/