ಜಗತ್ತಿನ ಆತ್ಯಂತ ಹಿರಿಯ ಬ್ಲಾಗಜ್ಜಮ್ಮ ನಮ್ಮನ್ನಗಲಿದ್ದಾರೆ . ೧೦೮ ವರ್ಷದ ಉತ್ಸಾಹ ತುಂಬಿದ ಈ ಹಿರಿಯ ಜೀವ , ಓಲೇ ಪರಿಲೇ ಈಗ ನಮ್ಮೊಡನಿಲ್ಲ; ಆದರೆ ಅವರು ಕೊನೆಯವರೆಗೆ ಬ್ಲಾಗಿಸಿದ ಬ್ಲಾಗುಗಳು ನಮ್ಮೊಡನಿವೆ . ಆಕೆಯ ಪುಟಿಯುವ ಜೀವನೋತ್ಸಾಹ ಅಲ್ಲಿ ಹೊಡೆದು ಕಾಣಿಸುತ್ತದೆ .೨೦೦೭ ರ ಪ್ರೆಬ್ರವರಿಯಿಂದ ೨೦೦೮ ಜೂನ್ ವರೆಗೆ ಅವರ ಕೊನೆಯ ದಿನಗಳ ವರಗೆ ಅವರು ಬ್ಲಾಗಿಸುತ್ತಲೇ ಇದ್ದರು . ಬ್ಲಾಗಿಗರಿಗೆ ಅವರು ನೀಡಿರುವ ಸಂದೇಶ ’ ಬ್ಲಾಗಿಸುತ್ತಲೇ ಜೀವಿಸುತ್ತಿರಿ’ ಎಂಬುದು . ಬಲು ದೀರ್ಘ ಕಾಲ ಬಾಳಿ ಅನಂತದಲ್ಲಿ ಲೀನವಾಗಿರುವ ಆ ಹಿರಿಯ ಆತ್ಮಕ್ಕೆ ಪ್ರೀತಿಯ ವಿದಾಯ ಕೋರೋಣ .