ದೆಹಲಿ ಪೊಲೀಸರ ಬಗ್ಗೆ ಒಂದು ಹಳೆಯ ಜೋಕು.

ವಿಶ್ವದ ಎಲ್ಲ ಪೋಲೀಸ್ ಪಡೆಗಳ ನಡುವೆ ಒಂದು ಸ್ಪರ್ಧೆ ಆಯೋಜಿಸಲಾಗಿತ್ತಂತೆ. ಪಂಥ ಏನು ಅಂತಂತಂದ್ರೆ ಕಾಡಿಗೆ ಹೋಗಿ ಹುಲಿ ಹಿಡ್ಕೊಂಡು ಬರಬೇಕು ಅಂತ.
ಸರಿ, ಸ್ಪರ್ಧೆ ಸುರು ಆಯ್ತು. ಎಲ್ಲ ಪಡೆಗಳು ಕಾಡಿಗೆ ಹೋದವು. ಕೆಲವರಿಗೆ ಹುಲಿ ಸಿಕ್ಕಿದವು ಕೆಲವರಿಗೆ ಸಿಗಲಿಲ್ಲ. ಎಲ್ಲರೂ ಬಂದರೂ ಡೆಲ್ಲಿ ಪೋಲಿಸ್ ಪಡೆ ಇನ್ನೂ ಹೊರಗೆ ಬರ್ಲಿಲ್ಲಂತೆ. ಅವಧಿ ಮುಗೀತ ಇದೆ ಅಂತಾಗುವಾಗ ನೋಡಪ್ಪ ಎಲ್ಲಿದಾರೆ ಅಂತ ನೋಡ್ಕೊಂಡು ಬಾ ಅಂತ ಸಾಹೇಬ್ರು ಒಬ್ಬನನ್ನ ಒಳಗೆ ಕಳುಹಿಸಿದರಂತೆ. ಅಲ್ಲಿ ಒಂದ್ಕಡೆ ಈ ಪೊಲೀಸರು ಒಂದು ಬೆಕ್ಕನ್ನ ಮರಕ್ಕೆ ಕಟ್ಟಿ ಹಾಕಿ "ಬೊ.. ಮಗನೆ, ಬೊಗಳು ನಾನೇ ಹುಲಿ ಅಂತ.." ಅಂತ ಅದಕ್ಕೆ ಏರೋಪ್ಲೇನ್ ಹತ್ತಿಸ್ತ ಇದ್ರಂತೆ.

ದೆಹಲಿ ಪೊಲೀಸರಿಗೆ ಈ ಬಾಂಬು ವಾದಿಗಳನ್ನ ಹಿಡಿಯಲು ಬೇಕಾದ ಚಾಣಾಕ್ಷತನ ಇದೆಯೋ ಇಲ್ಲವೊ ಗೊತ್ತಿಲ್ಲ ಆದರೆ ಒಂದಂತು ನಿಜ. ಒಮ್ಮೆ ಒಳ ಹೋದ್ರೆ ಅರ್ಧಗಂಟೆಯಲ್ಲಿ ಯಾರಿಂದ ಬೇಕಾದರೂ ತಾನೆ ಮಾಡಿದ್ದು ಅಂತ ಹೇಳಿಸಿಬಿಡ್ತಾರೆ.
ಈಗ್ಯೆ ಕೆಲವು ದಿನಗಳ ಹಿಂದೆ ಒಬ್ಬ ಎನ್ಕೌಂಟರ್ ಸ್ಪೆಶಲಿಸ್ತು ಡೆಲ್ಲಿ ಪೋಲಿಸ್ ಅಧಿಕಾರಿ ರಿಯಲ್ ಎಸ್ಟೇಟ್ ಏಜೆಂಟ್ ಒಬ್ಬನಿಂದ ಹತನಾದ. ಅವನು ಯಾವ ರೀತಿಯಲ್ಲಿ ಜನರನ್ನು ಸುಲಿಗೆ ಮಾಡುತ್ತಿದ್ದ ಎನ್ನುವುದು ಇದೀಗ ಜನಜನಿತ. ಈ ಪೋಲಿಸ್ ಮತ್ತು ಮೀಡಿಯ ಸೇರಿ ಆರುಷಿ ಮರ್ಡರ್ ಕೇಸ್ ಅನ್ನು ಯಕ್ಕುಟ್ಟು ಎಸೆದಿದ್ದು ಇನ್ನೂ ಜನ ಮರೆತಿಲ್ಲ.

ಆದ ಕಾರಣ ಶರ್ಮ ಸತ್ತರೂ ಅವನ ಸಾವನ್ನು "ಶಹೀದ್" ಎಂದು ವಿಜ್ರಂಭಿಸಲು ಮನಸೊಪ್ಪುತ್ತಿಲ್ಲ.

ಸತ್ತವರು ನಿಜಕ್ಕೂ ಉಗ್ರಗಾಮಿಗಳೇ ಇರಬಹುದು ಆದರೆ ಡೆಲ್ಲಿ ಪೋಲಿಸ್ ಅದನ್ನು ನಿಭಾಯಿಸಿದ ರೀತಿ ಇನ್ನಷ್ಟು ಪ್ರೊಫೆಶನಲ್ ಆಗಿದ್ದಲ್ಲಿ ಚೆನ್ನಾಗಿರುತ್ತಿತ್ತು.

ಪ್ರೀತಿಯ ಗುರುಬಾಳಿಗ ಅವರೇ
ತಾವು ಎತ್ತಿರುವ ಪ್ರಶ್ನೆಗಳು ಡೆಮಾಕ್ರಸಿಯಲ್ಲಿ ಪ್ರಸ್ತುತವಾದವು ಎನ್ನುವುದನ್ನು ಒಪ್ಪಿಕೊಳ್ಳುತ್ತೇನೆ . ಮತ್ತು ದೆಹಲಿ ಪೋಲೀಸರ ನಡವಳಿಕೆಗಳ ಬಗೆಗಿನ ನಿಮ್ಮ ಸಂದೇಹ ಸಹ ಒಬ್ಬ ನಾಗರಿಕನಾಗಿ ಸರಿಯಾದುದೇ . ಆದರೆ ಇದು ದೆಹಲಿ ಪೋಲೀಸರ ವಿಷಯ ಮಾತ್ರವಲ್ಲ ; ನಮ್ಮ ಊರ ಪೋಲಿಸರ ಬಗ್ಗೆ ಸಹ , ಇಡೀ ಭಾರತೀಯ ಪೋಲೀಸು ವ್ಯವಸ್ಥೆಯ ವಿಷಯದಲ್ಲೂ ಅಷ್ಟೇ ನಿಜವಲ್ಲವೇ ? ಹಾಗಾದರೆ ಏಕೆ ಪೋಲೀಸು ವ್ಯವಸ್ಥೆ ಹೀಗೆ ಭಷ್ಟಗೊಂಡಿದೆ ಎಂಬ ಪ್ರಶ್ನೆ ಸಹ ಯೋಗ್ಯವಾದುದೇ ಆಗುತ್ತದೆ .

ಪೋಲೀಸರೂ ಸಹ ನಮ್ಮ ನಡುವಣ ಮನುಷ್ಯರೇ ತಾನೆ , ಅಲ್ಲಿಯೂ ನಾಗರಿಕ ಪ್ರಪಂಚದಲ್ಲಿದ್ದಂತೆ , ಕ್ರೂರರಿಂದ ಉದಾರರ ವರೆಗೆ , ಭ್ರಷ್ಟರಿಂದ ಪ್ರಾಮಾಣಿಕರ ವರೆಗೆ ಎಲ್ಲ ವಿಧದ ಮನಃಸ್ಥಿತಿಯ ಜನ ಇದ್ದೇ ಇರುತ್ತಾರೆ . ಇವತ್ತಿನ ಸಮಾಜದ ಪ್ರತಿ ಬಿಂಬವೇ ಪೋಲೀಸರೂ ಸೇರಿದಂತೆ ಎಲ್ಲ ಇಲಾಖೆಗಳ ಜನ ಸಹ .

ಆದರೆ ಈ ಪೋಲೀಸರು ಅತಿ ಹೆಚ್ಚು ರಾಜಕೀಯ ಒತ್ತಡದಲ್ಲಿ ಕೆಲಸ ಮಾಡಬೇಕಾದ ಪರಿಸ್ಥಿತಿ ಇರುವವರು . ಇವತ್ತಿನ ಸಂದರ್ಭದಲ್ಲಿ ಯಾವ ಪಕ್ಷ ಅಧಿಕಾರಕ್ಕೆ ಬಂದರೂ ಪೋಲೀಸು ಇಲಾಖೆಯನ್ನು ದುರುಪಯೋಗ ಮಾಡಿಕೊಳ್ಳದೆ ಇರುವುದಿಲ್ಲ . ರಾಜಕೀಯದಲ್ಲಿರುವ ಮೂರ್ಖರ ತಾಳಕ್ಕೆ ಪೋಲೀಸರು ಕುಣಿಯುವ ಪ್ರಸಂಗ ಬಂದೇ ಬರುತ್ತದೆ . ಪ್ರತಿದಿನ ಒತ್ತಡ ಅಪಾಯಗಳಿಗೆ ಮುಖ ಕೊಟ್ಟು ಕೆಲಸ ಮಾಡಬೇಕಾದ ಪರಿಸ್ಥಿತಿಯಲ್ಲಿ ಸಹಜವಾಗಿಯೇ ಪೋಲೀಸರು ಕಠಿಣಮನಸ್ಕರಾಗುತ್ತಾರೆ .

ಇವತ್ತು ಸಿ.ಬಿ.ಐ ನಿಂದ ಹಿಡಿದು ಎಲ್ಲ ತನಿಖಾಸಂಸ್ಥೆಗಳ ವೈಖರಿಯಲ್ಲಿ ರಾಜಕೀಯ ಪ್ರಭಾವವೇ ಎದ್ದು ಕಾಣುತ್ತದೆ . ಈಗ ದೆಹಲಿಯ ಘಟನೆಗೆ ಬಂದರೆ ಪೋಲೀಸರ ಹೆಣವೇ ಉರುಳಿದಾಗಲೂ ಅದನ್ನೂ ನಾಟಕ ಎಂದು ಕರೆಯಲು ನಾವು ಹಿಂಜರಿಯುವುದಿಲ್ಲ ಎಂದರೆ ನಮ್ಮ ಚಿಂತನಾಕ್ರಮದ ಬಗ್ಗೆಯೂ ನಾವು ತನಿಖೆ ಮಾಡಿಕೊಳ್ಳಲೇಬೇಕಾಗುತ್ತದೆ ಎನ್ನುವುದು ನನ್ನ ಅಭಿಪ್ರಾಯ .
ಇಂತಹದೊಂದು ಜ್ವಲಂತ ಸಮಸ್ಯೆಯ ಬಗೆಗೆ ತಕ್ಷಣ ಸ್ಪಂದಿಸಿದ ಹರ್ಷಬ್ ಮತ್ತು ರಾಜೇಶ್ವರಿಯವರಿಗೆ ಆತ್ಮೀಯ ಅಭಿನಂದನೆಗಳು .