ಸಣ್ಣವನಿದ್ದಾಗಲೇ ಅಲೀಬಾಬಾ ನಾಟಕಕ್ಕೆ ನನ್ನನ್ನು ಸೇರಿಸಿಕೊಂಡು ಆಡಿಸಿದ ಪ್ರೇಮಾ ಕಾರಂತ್ ಈವತ್ತು ಕೊನೆ ಉಸಿರೆಳೆದರು... ಒಂದೆರಡು ವಾರದಿಂದ ಬಳಲುತ್ತಿದ್ದರು... ಆಸ್ಪತ್ರೆಯಲ್ಲಿದ್ದರು...

ಈ ಸಲ ಬೆಂಗಳೂರಿಗೆ ಬಂದಾಗ ಅವರ ಜತೆ ಗಂಟೆಗಟ್ಟಲೆ ಮಾತಾಡಿ ವಿಡಿಯೋ ಇಂಟರ್‌ವ್ಯೂ ಮಾಡಬೇಕು ಅಂತ ಲೆಕ್ಕ ಹಾಕಿದ್ದೆ. ಬೆಂಗಳೂರಿಗೆ ಬಂದಿಳಿದ ದಿನ ಫೋನ್ ಮಾಡಿದ್ದೆ. "ಯಾಕೋ ತುಂಬಾ ಬ್ರೆತ್‌ಲೆಸ್ ಆಗತ್ತೆ. ಜಾಸ್ತಿ ಮಾತಾಡಕ್ಕೆ ಆಗಲ್ಲ... ಈವತ್ತು ಆಸ್ಪತ್ರೆಗೆ ಹೋಗಿ ಒಂದೆರಡು ದಿನ ಇದ್ದು ಕೆಲವು ಟೆಸ್ಟ್ ಮಾಡಿಸಿಕೊಂಡು ಬರುತೀನಿ... ಆಮೇಲೆ ಬಾ... ಮಾತಾಡೋಣ ಅಂದಿದ್ದರು."

ಸಂಜೆ ಹೊತ್ತಿಗೆ ಬೆಂಗಳೂರಿನ ಕಲಾಕ್ಷೇತ್ರದ ಹಿಂದಿರುವ ಸಂಸ ಬಯಲು ರಂಗಮಂದಿರಕ್ಕೆ ಹೋಗಿ ಕಡೆ ಸಲ ನೋಡಿ ಬಂದೆ...

ಏನೋ ಒಂದು ಬಗೆಯ ಚಡಪಡಿಕೆ.