ಲೋ, ಹರಿ ನನಗೆ ಗೊತ್ತಿತ್ತು ಕಣೋ, ನೀನು ಇದಕ್ಕೆ ಗ್ಯಾರೆಂಟಿ ಸೇರಿಸುತ್ತೀಯಾ ಅಂತ LOL. ಇರಲಿ ಸರಳವಾದ ಕನ್ನಡದಲ್ಲಿ ಪುಸ್ತಕಗಳನ್ನು ಬರೆಯುತ್ತಿರುವ ಶಂಕರಭಟ್ಟರಿಗೇ, ಪಂಡಿತೋತ್ತಮರೆನಿಸಿಕೊಂಡ ಅನೇಕ ಬಿರುದಾಂಕಿತರು "ಕೂಚುಬಟ್ಟ, ಚಂಕರ ಪಟ್ಟ, ಪಯಂಕರ ಪಟ್ಟ" ಎಂದೆಲ್ಲ ಬಿರುದಿತ್ತಿರುವಾಗ, ನಮ್ಮ ಮೇಲಿನ ಆಪಾದನೆ ಯಾವ ಮೂಲೆಯದ್ದು. ಅಂದ ಹಾಗೆ, ನಿನಗೆ ಗೊತ್ತಿದೆಯೋ ಇಲ್ಲವೋ, ಯಾಮಿನಿಯವರಿಗೆ ಭಯವಾದ ಹಾಗೆ, ಕನ್ನಡದಲ್ಲಿ ಜ್ಞಾನದ ಹುಡುಕಾಟವನ್ನು ಮೆಚ್ಚಿದವರೂ ತುಂಬಾ ಮಂದಿ. ಅವುಗಳು ಆಯಾ ಎಳೆಗಳಲ್ಲಿ ಮತ್ತು ನಮಗೆ ಬಂದ ವೈಯಕ್ತಿಕ ಮೇಯ್ಲುಗಳಲ್ಲಿ ವ್ಯಕ್ತವಾಗಿದೆ. ಅದು ಇಲ್ಲಿ ಅಪ್ರಸ್ತುತ.

@ಯಾಮಿನಿ,
ಅಂದ ಹಾಗೆ. ನೀವು ಗಮನಿಸಿದ್ದೀರೋ ಇಲ್ಲವೋ, ಬರೆಯುವವರು ಮೂರೇ ಜನ (ಇದು ಬರೀ ಹರಿಯ ಪ್ರಕಾರ, ಆದರೆ ಕನ್ನಡದ ಬಗ್ಗೆ ಬರೆದವರು, ಬರೆಯುತ್ತಿರುವವರು ಇನ್ನೂ ತುಂಬಾ, ಕಳೆದೆರೆಡು ವಾರಗಳ ಚರ್ಚೆಗಳನ್ನು ಫಾಲೋ ಮಾಡಿದ ಎಂಥವರಿಗೂ ತಿಳಿದೀತು). ಆದರೂ, ನಾವು ಬರೆದದ್ದನ್ನು ಓದಿ ಅದರಲ್ಲಿರುವ ಸತ್ಯಾಸತ್ಯತೆಯನ್ನು ಕಂಡುಕೊಂಡು, ನಮ್ಮದೇ ಕನ್ನಡವನ್ನು ಸರಳವಾಗಿಸಿಕೊಳ್ಳುವ ಕಡೆ, ತುದಿಗಾಲಲ್ಲಿ ನಿಂತಿರುವವರು ತುಂಬಾ ಮಂದಿ. ಬಹುಶಃ ನಾವು ಮೂವರು (ಮತ್ತೆ, ಬರೀ ಹರಿ ಪ್ರಕಾರ) ಬರೆದಿರುವ ಲೇಖನಗಳಲ್ಲಿ ಸ್ಪಷ್ಟವಾಗಿ ಕಾಣಬಹುದಾದದ್ದು ನಾವುಗಳು, ಸಂಸ್ಕೃತವಾಗಲೀ, ಇಂಗ್ಲೀಷಾಗಲೀ, ಹಳಗನ್ನಡವಾಗಲೀ, ಹೊಸಗನ್ನಡವಾಗಲೀ ಯಾರ ಮೇಲೂ ಹೇರಿಲ್ಲ. ಒಟ್ಟಿನಲ್ಲಿ ಜ್ಞಾನ ಕನ್ನಡದಲ್ಲಿ ಹಂಚಿಕೆಯಾಗಬೇಕು. "ಹೀಗಲ್ಲ, ಹೀಗೂ ಕನ್ನಡದಲ್ಲಿ ಸರಳವಾಗಿ ಹೇಳಬಹುದು" ಎಂದು ಎಲ್ಲರಿಗೂ ತಿಳಿಸುವ ಪ್ರಯತ್ನ ಮಾಡುತ್ತಿದ್ದೇವೆ. ಅದು ಜನರಿಗೆ ಇಷ್ಟವಾದರೆ, ಬಳಸುತ್ತಾರೆ. ಅದು ಅವರವರ ಇಷ್ಟ. ಇದಕ್ಕೆ ನೀವೇಕೆ ಭಯಪಟ್ಟುಕೊಳ್ಳಬೇಕು ?. ಕನ್ನಡವು ಜಾಳು, ಎಂಬ ಮನಸ್ಥಿತಿಯನ್ನು ಆಧಾರಸಮೇತ ವಸ್ತುನಿಷ್ಟವಾಗಿ ಕನ್ನಡವು ಜಾಳಲ್ಲ ಎಂದು ನಿರೂಪಿಸಿವುದು ಒಬ್ಬ ಸಹೃದಯನಾಗಿ, ನನಗೆ ಯಾವ ರೀತಿಯ ಅಪರಾಧವೂ ಕಾಣಿಸದು. ಇದನ್ನು ಒಪ್ಪಿಕೊಳ್ಳುವ ಬಗೆ ಇಲ್ಲದೆ ಏನೇನೋ ಆಪಾದನೆ ಮಾಡುವುದು ಸಂಕುಚಿತ ಮನೋಭಾವವಷ್ಟೇ (ನೀವು ಹಾಗೆ ಎಂದು ನಾನು ಹೇಳುತ್ತಿಲ್ಲ).

ನೋಡಿ, ನಿಮಗೆ ಏನು ಹೇಳಬೇಕೋ ಅದನ್ನು ನಿರ್ಭಯವಾಗಿ ಹೇಳುವ ಹಕ್ಕು ನಿಮಗೆ ಇದೆ. ಭಯಪಟ್ಟುಕೊಂಡು ಬರೆಯುವುದನ್ನು ನಿಲ್ಲಿಸಬೇಕಾಗಿಲ್ಲ. ಅಂದ ಹಾಗೆ, ನೀವು ಇನ್ನೂ ಭಯದಲ್ಲಿಯೇ ಇರುವಿರಾದರೆ (ನನಗೆ ಇದರ ಬಗ್ಗೆ ಅನುಮಾನ), ಕವಿರಾಜಮಾರ್ಗದಲ್ಲಿ ಹೀಗೆ ಹೇಳಿದೆ, "ಮದ, ಮಾನ, ಮಾಯ, ಭಯ, ಲೋಭ, ವಿಷಾದ, ಹರ್ಷಾಭ್ಯುದಿ" ಇವುಗಳು ಅಂತರಂಗ ರಿಪುವರ್ಗ. ಭಯಪಟ್ಟಕೊಂಡು ಬರೆಯುವುದು, ಅಥವಾ ಭಯಪಟ್ಟುಕೊಂಡು ಬರೆಯುವುದನ್ನು ನಿಲ್ಲಿಸುವುದು, ತನ್ನತನವನ್ನು ಇನ್ನೂ ಕಂಡುಕೊಳ್ಳದಿರುವ ಸಂಕೇತ. ಆವರಣದ ಬಗ್ಗೆ ನಿರ್ಭಯವಾಗಿ ನಿಮ್ಮ ಅನಿಸಿಕೆ ಮುಂದಿಟ್ಟಿರುವ ನೀವು, ಇದಕ್ಕೆ ಹೊರತಾದವರು ಎಂದು ಭಾವಿಸುತ್ತೇನೆ.

@ಎಲ್ಲರಿಗೂ,
ಕನ್ನಡದ ಬಗೆಗಿನ ಮಾತನ್ನು ಕಂಡು ಕೆಲವರಿಗೆ ಭಯವಾಗುವುದಾದರೆ, ಅದು ಎಲ್ಲಿ ತಾವು ಇಷ್ಟು ವರ್ಷ ಆಚರಿಸಿಕೊಂಡು ಬಂದ ಮಡಿವಂತಿಕೆ ದೂರವಾಗಿಬಿಡುವುದೋ ಎಂಬ ಶಂಕೆ ಅಥವಾ ಎಲ್ಲಿ ತಾವು ಇಷ್ಟು ವರ್ಷ ಜೋಪಾನವಾಗಿ ಕಾಯ್ದಿಟ್ಟುಕೊಂಡು ಬಂದ ಜ್ಞಾನ ಇತರರ ಪಾಲಾಗುವದೋ ಎಂಬ ದುಗುಡ ಕಾಡಿರಬಹುದು. (ಈ ಕಡೆಯ ಮಾತು ಕೂಡ ಯಾಮಿನಿಯವರನ್ನು ಉದ್ದೇಶಿಸಿದ್ದಲ್ಲ)

HPN...

ನೀನು AC ಕೋಣೆಯಲ್ಲಿ ಇಲ್ಲವೇ? ನಿನ್ನ ಕೆಲಸವೂ IT ಅಲ್ಲವೇ?( ನನಗೆ ದಿಟವಾಗಲು ತಿಳಿಯದು )

ಕನ್ನಡಿಗರೂ AC ಕೋಣೆಯಲ್ಲಿ ಕುಳಿತು ಕನ್ನಡದ ಬಗ್ಗೆ ಮಾತಾಡಿದರೆ ಅದು ಹಗುರವೇ?
ಬರಹದ ಶೇಷಾದ್ರಿ ವಾಸು ಮುಂತಾದವು AC ಕೋಣೆಯಲ್ಲಿ ಕುಳಿತ IT ಕಂಪೆನಿಯ ತತ್ತಿಗರೇ!!!

ಸಂಪದಲ್ಲಿ ಕನ್ನಡಿಗ ಯಾವ ಗೆಯ್ಮೆ ಮಾಡುವನು ಎಂಬುದು ಹೇಗೆ ಮುಕ್ಯ, ಪ್ರಸ್ತುತ?

ಸಂಪದದ 'ದೊರೆ(owner)'ಯಾದ ನೀನು, ಸಂಪದದಲ್ಲಿ
"ಹಳೆಗನ್ನಡ, ಕನ್ನಡ ಗ್ರಾಮರ್‍, ಒರೆಗಳ ಅರಿವು " ಇವನ್ನು ಯಾರು ಎತ್ತಬಾರದು ಎಂದು ಹೇಳಿಬಿಡಬಹುದು. ಆಗ ಯಾವುದು "ನಿಷಿದ್ಧ" ಎಂದು ಎಲ್ಲರಿಗೂ ತಿಳಿಯುವುದು.

ಇಲ್ಲಿ ಕನ್ನಡದ ನುಡಿಯ, ಒರೆಯ ಬಗ್ಗೆ ಮಾತಾಡುವಾಗ ಎಲ್ಲರೂ ಪಾಲ್ಗೊಳ್ಳಿ ಎಂದು ಯಾರು ಬೇಡುತ್ತಿರುವರು? ಇಲ್ವೇ ಅಂತಹ ರೂಲು ಕಟ್ಟಳೆ ಇದೆಯೇ?

ಯಾರಿಗೆ ಅಂತಹ ಸಂಗತಿಗಳಲ್ಲಿ ಹುರುಪಿದೆಯೋ, ಅವರು ಅಲ್ಲಿ ಪಾಲ್ಗೊಳ್ಳುವರು.

ಉದಾಹರಣೆಯಾಗಿ ನೀನು, ಯಾವಿನಿ, ಮುಂತಾದವರಿಗೆ, ಅಲ್ಲಿ ಮಾತಾಡುವುದು, ಅಂತಹ ಸಂಗತಿಗಳು ಬೇಡ, ಇಷ್ಟವಿಲ್ಲವೆಂದರೆ ನೀವು ಅಲ್ಲಿ ಮಾತಾಡದೇ ಇದ್ದರೆ ಆಯಿತು.

ಇನ್ನು
"ಸಂಪದ' ಅಂತರಜಾಲದಲ್ಲಿ ಕನ್ನಡಿಗರ ನಡುವೆ ಕನ್ನಡದಲ್ಲಿ ಸಂವಹನ ಮೂಡಿಸುವ ಉದ್ದೇಶದಿಂದ ಹುಟ್ಟುಹಾಕಿದ ..." ಅಂತ ಇದೆ..
ಹಾಗಾದರೆ ಕನ್ನಡದಲ್ಲಿ 'ಸಂವಹನ' ಮಾಡಿ ಆದರೆ ಕನ್ನಡದ ಕುರಿತು ಬೇಡ ಅಂತಲೇ?
==============================================================

ನನ್ನ ಮಾತಿನಲ್ಲಿ "ಶಿಷ್ಟಾಚಾರ" ದೋಷಗಳಿದ್ದರೆ ಮನ್ನಿಸಿ!!! errors in courtesy!!

ಹರಿಪ್ರಸಾದ್ ನಾಡಿಗರೇ,
ನಮ್ಮ ವಿಚಾರ ಸಮಗ್ರವಾಗಬೇಕು. ಸಂಪೂರ್ಣವಾಗಬೇಕು. ಆಗ ಹೞೆಯ ಹೊಸದರೆಲ್ಲದಱ ಅಱಿವು ಬೇಕಾಗುತ್ತದೆ. ಬಱಿ ಸದ್ಯಕ್ಕಷ್ಟೆ ಇರುವ ವಿಚಾರಗಳಿಂದ ಸಂಪೂರ್ಣ ಅಱಿವಾಗದು. ಹೞೆಯ ಹೊಸದೆಲ್ಲವನ್ನೂ ಜೀರ್ಣಿಸಿಕೊಳ್ಳಬೇಕು. ನಮಗೆ ಬೇಕಾದ್ದನ್ನು ತೆಗೆದುಕೊಳ್ಳುತ್ತೇವೆಂದರೆ ಆಗ ಎಲ್ಲರಿಗೂ ಉತ್ತರ ಹೇೞಲಾಗದು.

ಕ್ಷಮಿಸಿ. ನೀವು ಚರ್ಚಿಸುತ್ತಿರುವ ಭಾಷಾಶಾಸ್ತ್ರ ಸಂಬಂಧೀ ವಿಷಯಗಳು ನನಗೆ ಗೊತ್ತಿಲ್ಲ. ಅದನ್ನು ಕುಹಕ ಮಾಡುವುದೂ ನನ್ನ ಉದ್ದೇಶವಲ್ಲ. ಹೇಗೆ ಬರೆದವರೂ ತಪ್ಪಾಗುತ್ತದೆಯಲ್ಲಾ ಎಂದು ಭಯವಾದದ್ದು ಹೌದು. ಇನ್ನು ಮುಂದೆ ಈ ತಪ್ಪು ಮಾಡುವುದಿಲ್ಲ.

-ಯಾಮಿ 

ಮೂವರು ಮಾತ್ರ ತಲೆಕೆಡಿಸಿಕೊಳ್ಳುತ್ತಿದ್ದಾರೆ ಅನ್ನುವುದು ತಪ್ಪು

ನಾನು ಬರೆದಿರುವ ಕಾಮೆಂಟನ್ನ ಮತ್ತೊಮ್ಮೆ ಸರಿಯಾಗಿ ಓದ್ರೀ. ಸುಮಾರು ಜನ ಸುಮ್ಮನೆ presumptionಗಳನ್ನಿಟ್ಟುಕೊಂಡು ಕಾಮೆಂಟ್ ಬರೆಯುತ್ತಿರುವ ಹಾಗಿದೆ. ನಾನು ಬರೆದದ್ದನ್ನು ಪ್ರತ್ಯೇಕ ಓದಿ ನೋಡಿ.

(ಸಾಮಾನ್ಯವಾಗಿ ಹೀಗೆ presumptions ಇಟ್ಟುಕೊಂಡು ಬರೆದದ್ದಕ್ಕೆ ನಾನು ಉತ್ತರಿಸುವುದಿಲ್ಲ. ನಿಮ್ಮ ಬಗ್ಗೆ ಇರುವ ಗೌರವ ಈ ಕಾಮೆಂಟನ್ನು ನನ್ನಿಂದ ಬರೆಸಿದೆ)

ನಾವೆಲ್ಲ ಕನ್ನಡವನ್ನು ಹೊಸ ಸವಾಲುಗಳಿಗೆ ಹೇಗೆ ಸಿದ್ದಗೊಳಿಸಬೇಕು ಎಂದು ಯೋಚಿಸುತ್ತಾ ಇದ್ದೀವಿ. ಅದಕ್ಕಾಗಿ ಕನ್ನಡ ಶಬ್ಡಗಳ ಬಗ್ಗೆ ಚರ್ಚೆ ನಡೆಸುತ್ತಾ ಇದ್ದೇವೆ. ಹಳೆಗನ್ನಡ , ದ್ರಾವಿಡ ,ಸಂಸ್ಕ್ರುತ , ಇಂಗ್ಲೀಷು ಮತ್ತಾವುದೇ ಮೂಲದಿಂದ ಕನ್ನಡದ ಜಾಯಮಾನಕ್ಕೆ ಹೊಂದುವ ಶಬ್ಡಗಳನ್ನು ಹೆಕ್ಕಿ ತೆಗೀತಾ ಇದ್ದೇವೆ. ಅಷ್ಟೇ. ಆಡುಗನ್ನಡದಿಂದಲೂ ಶಬ್ಡಗಳನ್ನು ಹುಡುಕುತ್ತಾ ಇದ್ದೇವೆ

ಕ್ಷಮಿಸಿ, ಕಳೆದೆರೆಡು ದಿನ ಮೈಸೂರು ಪ್ರವಾಸಕ್ಕೆ ಹೋಗಿದ್ದರಿಂದ ದನಿ ಸೇರಿಸುವದು ತಡವಾಯಿತು. ಮಿಶ್ರಿಕೋಟಿಗಳೇ, ಈ ನಿಮ್ಮ ಮೇಲಿನ ಮಾತಿಗೆ ತುಂಬಾ ತುಂಬಾ ನನ್ನಿಗಳು. "ಕನ್ನಡದ ಬಗೆಗಿನ ಚರ್ಚೆಗಳ ಬಗ್ಗೆ ಪೂರ್ವಾಗ್ರಹ ಪೀಡಿತರಾಗಿರದೆ ವಸ್ತುನಿಷ್ಠವಾಗಿ ಓದಿಕೊಂಡಾಗ ಯಾವ ರೀತಿಯ ಮನೋಭಾವ ಹೊರಹೊಮ್ಮತ್ತದೆ" ಎಂಬುದಕ್ಕೆ ಇದಕ್ಕಿಂತ ಪುರಾವೆ ಬೇಕಿಲ್ಲ. ನಿಮ್ಮ ಮೇಲಿನ ಗೌರವ ಇನ್ನೂ ಹೆಚ್ಚಾಯಿತು.

ಮೂವರು ಮಾತ್ರ ತಲೆಕೆಡಿಸಿಕೊಳ್ಳುತ್ತಿದ್ದಾರೆ ಅನ್ನುವುದು ತಪ್ಪು.....<ಮತ್ತು ನಂತರ>...ನಾನು ಬರೆದಿರುವ ಕಾಮೆಂಟನ್ನ ಮತ್ತೊಮ್ಮೆ ಸರಿಯಾಗಿ ಓದ್ರೀ.

ಹ್ಮ್. ಹರಿ ಬರೆದಿದ್ದನ್ನು ಪ್ರತ್ಯೇಕವಾಗಿ ಓದಿದ್ದೀರಿ ಎಂದು ಭಾವಿಸುವೆ. ಅಲ್ಲಿ ಅವನು ಬರೆದದ್ದು, ಕನ್ನಡದ policing ಮಾಡುತ್ತಿರುವವರು (ಇರುವುದೇ ಮೂರೇ ಜನ) ನನ್ನ ವಯಸ್ಸಿನವರು. ಆದರೆ ಆ "ಇರುವುದೇ ಮೂರು ಜನ" ಮಾತಿನ ಪೊಳ್ಳುತನ ನಿಮ್ಮಗೂ ಸೇರಿ ಎಷ್ಟೋ ಜನರ ಅರಿವಿಗೆ ಬಂದದ್ದು ಸವಿನೆರವಾಯಿತು.

ಇಲ್ಲಿ ನೋಡಿ, ಹಳೆಯ ಬಡಿದಾಟ.

http://sampada.net/article/2077

http://sampada.net/article/2104

ಪಿಱಿ ಅಂದರೆ ಮಾಂಸ ಎಂಬುದನ್ನು ತಿಳಿಸಿದ್ದಕ್ಕೆ ಹೆನ್ನನ್ನಿ. ಈ ಪಿಱಿ ಪದ ಇಟ್ಕೊಂಡು ಎಷ್ಟೋ ಮಾಂಸಾಹಾರಿ ತಿಂಡಿಗಳಿಗೆ ಹೆಸರಿಡಬಹುದು. ಸೂಪರ್, ಕಣ್ರೀ ನಿಮ್ಮ ತಲೆ, ಇನ್ನು ನೀವು ತಲೆತಿನಿ ಹೇಗಾಗ್ತೀರಾ.