"ನಾವು", "ಬೇರೆಯವರು" ಯಾರು? ಇದನ್ನು ಜಾತಿ/ಧರ್ಮದ ಆಧಾರದ ಮೇಲೆ ಹೇಳುತ್ತಿದ್ದೀರ ಎಂದು ಊಹಿಸಿದರೂ "ನೀವು" ಯಾರು? ಇದೇ ಮಾತನ್ನು ಎಲ್ಲ ಜಾತಿ, ಪಂಗಡ, ಧರ್ಮದವರೂ ಹೇಳಬಹುದು, ಹೇಳುತ್ತಾರೆ.
ಇಂತಹ ಡಾಗ್-ವಿಸಲಿಂಗ್ ನುಡಿಗಟ್ಟುಗಳನ್ನು ನೀಚ ರಾಜಕೀಯದಲ್ಲಿ ಬಳಸುತ್ತಾರೆ. ಅದನ್ನು ಯೋಚಿಸದೇ ನುಂಗಿ, ಕಕ್ಕುವವರು ಆಡುತ್ತಾರೆ. ತಮ್ಮನ್ನು ಬರೇ ಒಂದು ಜಾತಿ/ಧರ್ಮದ ಆಧಾರದ ಮೇಲೆ ನಿರೂಪಿಸಿಕೊಳ್ಳುವವರ ಹಳಸಲು ಮಾತುಗಳು ಇವು.
ಹೋಗಲಿ ಬಿಡಿ, ಈ ಬಗೆಯ ಮಾತುಗಳು ಬೇಡವೆಂದರೂ ಆರೋಪದ ದನಿ ಪಡೆದುಕೊಳ್ಳುತ್ತದೆ.

ಧರ್ಮವನ್ನು ಬಿಟ್ಟು ಬಿಡಿ, ಹೊಸ ವರ್ಷಾಚರಣೆ, ಫನ್ ಫೇರ್ ಇವನ್ನು ತೆಗೆದುಕೊಳ್ಳಿ ಇವನ್ನು ಧರ್ಮ ಭ್ರಷ್ಠರ ಧಂಧೆ ಎಂತಾದರೂ ಕರೆಯಿರಿ ಇಲ್ಲವೇ ಧರ್ಮಾತೀತ ದಂಧೆಯೆಂತಾದರೂ ಕರೆಯಿರಿ. ಇಲ್ಲಿ ನಡೆಯುವ ಅಮಾಯಕರ ಸಾವಿಗೆ ಯಾರು ಕಾರಣ?
ಯಾವುದು ಅಮಾಯಕ ಸಾವು ಯಾವುದು ಅಲ್ಲ ಎಂದು ಹೇಳುವಲ್ಲಿನ ನಿಮ್ಮ ನಿಖರತೆಗೂ ನಾನು ಬೆರಗಾಗಬೇಕು
_______________________
ಅಸಾಮಾನ್ಯವಾದ ಕೆಲಸಗಳನ್ನು ನಾವು ಮಾಡೋಕಾಗಲ್ಲ. ನಾವೇನಿದ್ದರೂ ಸಾಮಾನ್ಯ ಕೆಲಸವನ್ನು ಅಸಾಮಾನ್ಯ ಪ್ರೀತಿಯಿಂದ ಮಾಡಬಹುದು.
http://uniquesupri.wordpress.com
http://kalaravapatrike.wordpress.com
http://ekshanadasatya.wordpress.com

ಅಲ್ಲಾಗೆ = ಅಲ್ಲಿ + ಆಗೆ

ಮಾಯ್ಸಣ್ಣ,
ನಿಮ್ಮ ಕಥೆ ನಿಜಕ್ಕೂ ಆಲೋಚನೆಗೆ ಹಚ್ಚುವಂಥದ್ದಾಗಿದೆ. ನಿಮ್ಮ ಕಥೆಯಲ್ಲಿನ ಎರಡು ಜನಾಂಗಗಳ ಉಲ್ಲೇಖವನ್ನು ಸಾಂಕೇತಿಕವಾಗಿ ತೆಗೆದುಕೊಂಡು ಚರ್ಚಿಸುವುದಾದರೆ ಹೊಟ್ಟೆ ತುಂಬಿಸಿಕೊಳ್ಳುವ ಅನಿವಾರ್ಯತೆಯಲ್ಲಿರುವ ಜನಾಂಗ ಹಾಗೂ ಹೊಟ್ಟೆ ತುಂಬಿ ಅನಂತರದ ಗೋಜಲುಗಳಲ್ಲಿ ಮುಳುಗಿರುವ ಜನಾಂಗದ ನಡುವಿನ ತಿಕ್ಕಾಟವಿದು ಎನ್ನಬಹುದು. ನಾವು ಇಂಥ ಚರ್ಚೆಗಳನ್ನು ಮಾಡುವಾಗ moral high ground ತೆಗೆದುಕೊಂಡು ಬಿಡುತ್ತೇವೆ. ಅಲ್ಲದೇ ನಾವು ಕೂಡ ನಮ್ಮ ಐಡೆಂಟಿಟಿಗಳೊಂದಿಗೆ ಅಭಿಪ್ರಾಯ ಮಂಡನೆ ಮಾಡುತ್ತಿರುತ್ತೇವೆ. ಹೀಗಾಗಿ ನಮ್ಮ ಐಡೆಂಟಿಟಿಗಳಿಗೆ moral high ground ಕೊಟ್ಟುಕೊಂಡು ಬಿಡುತ್ತೇವೆ. ಚರ್ಚೆಯ ಹಂತಗಳಲ್ಲಿನ ಸ್ವವಿಮರ್ಶೆಯಿಂದ, ಕೆಲವೊಂದು ಖಾರವಾದ ಟೀಕೆಗಳಿಂದ ಈ ಅಪಾಯದಿಂದ ಪಾರಾಗಬಹುದು.

ನಮ್ಮ ಸಮಾಜದಲ್ಲಿ ಬಹುತೇಕ ಚರ್ಚೆಗಳು ಹಾದಿತಪ್ಪುವುದು, ಬಹುತೇಕ ಬುದ್ಧಿಜೀವಿಗಳು ಆಷಾಢಭೂತಿಗಳೆನಿಸಿಕೊಳ್ಳುತ್ತಿರುವುದು ಇದೇ ಕಾರಣಕ್ಕೆ. ತಮ್ಮ ಮುಖ್ಯ ಚರ್ಚೆಯಲ್ಲಿ ಕೇವಲ ಒಂದು ವರ್ಗವನ್ನು, ಒಂದು ಧರ್ಮವನ್ನು ಹಿಡಿದುಕೊಂದು ವಿಶ್ಲೇಷಿಸುತ್ತಾರೆ. ಅವರ ಇಡೀ ಚರ್ಚೆಯ ಆಶಯ ಕೇವಲ ಆ ಒಂದು ವರ್ಗದ, ಧರ್ಮದ, ಸಂಘಟನೆಗಳ ವಿರುದ್ಧ ಮಾತ್ರವಾಗಿರುತ್ತದೆ. ಆ ವಿಮರ್ಶೆಯನ್ನು ಒಪ್ಪಿಕೊಳ್ಳಲು ಯಾರಿಗೂ ತೊಂದರೆಯಿಲ್ಲ. ಆದರೆ ಅಲ್ಲಿ ಪ್ರಶ್ನೆ ಏಳುವುದು ವಿಮರ್ಶೆ ಮಾಡುವವನ ಬದ್ಧತೆಯ ಬಗ್ಗೆ. ಈತನಿಗೆ ನಿಜಕ್ಕೂ ವಸ್ತುನಿಷ್ಠ ಚರ್ಚೆ ನಡೆಸುವ ಆಶಯವಿದೆಯೋ ಅಥವಾ ಹಾಯದ, ಒದೆಯದ ಪ್ರಾಣಿಯ ಮೇಲೆ ‘ಸತ್ಯಾನ್ವೇಷಣೆಯ’ ಪ್ರಯೋಗ ಮಾಡುವ ಉಮ್ಮೇದು ಇದೆಯೋ ಎಂಬುದನ್ನು ತಿಳಿಯಬೇಕಾಗುತ್ತದೆ. ಇಂಥ ಪ್ರಶ್ನೆ ಬಂದಾಗಲೆಲ್ಲಾ ಕೇವಲ ಪಾಸಿಂಗ್ ರೆಫರೆನ್ಸಿನ ಹಾಗೆ ಇವರು ಬೇರೆಲ್ಲಾ ಸಂಗತಿಗಳನ್ನೂ ಹೆಸರಿಸುತ್ತಾರೆ. ಯಾರೂ ಸಹ ತಣ್ಣಗೆ ಕಂಪ್ಯೂಟರಿನ ಮುಂದೆ ಕುಳಿತು ತಮ್ಮ ಪ್ರಾಣಕ್ಕೆ ಕುತ್ತು ತರಬಹುದಾದಂಥ ‘ಅಭಿಪ್ರಾಯ ಮಂಡನೆ’, ‘ಅಭಿವ್ಯಕ್ತಿ’ಗಾಗಿ ಇಷ್ಟಪಡುವುದಿಲ್ಲ.
_______________________
ಅಸಾಮಾನ್ಯವಾದ ಕೆಲಸಗಳನ್ನು ನಾವು ಮಾಡೋಕಾಗಲ್ಲ. ನಾವೇನಿದ್ದರೂ ಸಾಮಾನ್ಯ ಕೆಲಸವನ್ನು ಅಸಾಮಾನ್ಯ ಪ್ರೀತಿಯಿಂದ ಮಾಡಬಹುದು.
http://uniquesupri.wordpress.com
http://kalaravapatrike.wordpress.com
http://ekshanadasatya.wordpress.com