ನಾಡಿಗ್,
ನಿಮ್ಮ ಬೆಲೆಬಾಳುವ ಸಲಹೆಗಳಿಗೆ ನನ್ನಿ. ಕನ್ನಡಕ್ಕೊಂದು ಓಸಿಆರ್ ..ಒಹ್ ಇದು ನೆನೆಸಿಕೊಂಡರೆ ಕುಸಿ ಆಗುತ್ತೆ. ಇದರ ಬಗ್ಗೆ ಏನಾದರೂ ಕೆಲಸ ನಡೆದಿದಿಯೇ?

--
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು

ಅಂದರೆ ಕನಸುಗಳ ವಿವರಣೆಯಲ್ಲಿ ಬೇರೆ (ಸಿನಿಮಾ ಮತ್ತು ಟಿಕೆಟ್ ಹೊರತಾಗಿ) ಇಂಗ್ಲಿಷ್ ಪದಗಳು ಸದ್ಯಕ್ಕೆ ಹಾಗೆಯೇ ಇರಲಿ, ಯಾವಾಗಾದರೊಂದು ದಿನ (’ಸಿನಿಮಾ’ ಮತ್ತು ’ಟಿಕೆಟ್‌’ಗಳಂತೆಯೇ) ಕನ್ನಡಕ್ಕೆ ಅಳವಡಿಸುವ ಮೂಲಕ ಅವೂ ಸಹ ಜನರಿಗೆ ತಿಳಿಯುವಂಥವಾಗುತ್ತವೆ ಎಂದು ನಿಮ್ಮ ಅಂಬೋಣವೇ? ಹಾಗಿದ್ದರೆ ಸರಿ, ನಿಮ್ಮ ಕನಸುಗಳು ನನಸಾಗಲಿ!

ಹೊಟ್ಟೆ ಉರಿ ಅಂದ್ರೆ ಇದಪ್ಪ..

ಜೋಶಿಯವರ ಲೇಖನಗಳು ವಿ.ಕ ದಲ್ಲಿ ಪ್ರಕಟವಾಗಿ ಅವು ಜನಪ್ರಿಯವೂ ಆಗಿವೆ.

'ಅರೆ ಬರೆ ತಿಳಿದು ಅಚ್ಚು ಹಾಕಿಸಿದ್ದಾರಾ’ ಅಂತ ಕೇಳ್ತಿದ್ದೀರಲ್ಲಾ.
ಯಾವ ವಿಷಯಗಳು ಅರೆ ಬರೆ ತಿಳಿದು ಬರೆದವು ತಿಳಿಸ್ತೀರಾ?? ನೀಮ್ಮಂಥ ಕೆಲವು ಮಂದಿ ಸುಮ್ಮನೆ ಅರ್ಥವಿಲ್ಲದೆ ಮಾತನಾಡಿದರೇನು, ಜೋಶಿಯವರ ಬರಹಗಳು ಪುಸ್ತಕವಾಗಿಯೂ ಬಂದು ಬಹಳ ಮೆಚ್ಚುಗೆ ಗಳಿಸಿವೆ..

ಇಲ್ಲಿ ಅವರು ಹೇಳಿದ್ದರಲ್ಲಿ ತಪ್ಪೇನಿದೆ? ’ಕನ್ನಡ ಕನಸು’ ಕಾಣುವವರು ಅದನ್ನೂ ಇಂಗ್ಲೀಶ್ ಪದಗಳಲ್ಲೇ ಕಾಣಬೇಕೆ. ೧೦ ಕನಸುಗಳ ಸಾಲಿನಲ್ಲಿ ಬಹಳಷ್ಟು ಆಂಗ್ಲ ಪದಗಳಿರುವುದು ನೋಡಿದರೆ ಕರ್ನಾಟಕವನ್ನು ಇಂಗ್ಲೆಂಡ್ ಮಾಡ ಹೊರಟಿದ್ದಾರೆಯೇ ಎನಿಸುತ್ತದೆ.

ಕನ್ನಡ ನಮ್ಮ ಕಾಲಕ್ಕೆ ಮುಗಿಯಿತು. ಈಗಿನವರಿಗೆ ಕನ್ನಡ ಪ್ರೇಮವಿಲ್ಲ.
ಐ.ಟಿ.ಯವರು ಕನ್ನಡವನ್ನು ಬೆಂಗಳೂರಿಂದ ಓಡಿಸುವರು-ಎಂದು ಸಂಪದ ಬಳಗ ಸೇರುವ ಮೊದಲು ತಿಳಿದಿದ್ದೆ.

ನಿಜಕ್ಕೂ ನೋಡಿದರೆ, ನನ್ನ ಕನ್ನಡವೇ ಸರಿಯಿಲ್ಲ.(ಸಿಗರೇಟ್ ಹವ್ಯಾಸದಂತೆ )ಈ ಕನ್ನಡವನ್ನೇ ನಾಲ್ಕು ದಶಮಾನ ಬಳಸಿದ್ದರಿಂದ ಈಗ ನಿಮ್ಮಂತೆ ಮಾತನಾಡಲು ಸಾಧ್ಯವಿಲ್ಲ. ಪ್ರಯತ್ನಿಸಿದೆ...ಸರಿಯೋ, ತಪ್ಪೋ ಯೋಚನೆಯಲ್ಲೇ ಸಮಯ ಹೋಗುವುದು.

ಆದರೆ ಈ ಎಲ್ಲಾ ಹುಡುಗರ ಪ್ರಯತ್ನ,ಕನ್ನಡದ ಪ್ರೀತಿ ಮೆಚ್ಚಬೇಕಾದ್ದು. ಮಾಧವರೇ,ಜೋಶಿಯವರೇ ಯಾಕವರನ್ನು ರೊಚ್ಚಿಗೆಬ್ಬಿಸುತ್ತೀರಿ?

ಮಾಧವರದ್ದು ಅನಗತ್ಯ ಚರ್ಚೆ ಅನಿಸುತಿದೆ.

-ಗಣೇಶ.

ಸುನಿಲರೇ,
ನನಗೆ ಶಂಕ್ರಭಟ್ರನ್ನೇ ಆಗಲಿ ಯಾರನ್ನೇಆಗಲಿ ಹೀಯಾಳಿಸುವ ಉದ್ದೇಶವಿಲ್ಲ. ’ಅಳಿಯ’ ಎಂಬ ಪದವನ್ನು ’ಭಕ್ತ’ ಎಂಬರೀತಿಯಲ್ಲಿ ಬಳಸಿದ್ದೇನಷ್ಟೆ.

ಈಗಾಗಲೇ ನಮ್ಮ ಕನ್ನಡ ಭಾಷೆಯಲ್ಲಿ ಇಂಗ್ಲೀಷ್ ಪದಗಳು ಸೇರಿ ಸೇರಿ ಎಕ್ಕುಟ್ಟಿ ಹೋಗಿದೆ. ಈಗ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ಕನ್ನಡವನ್ನು ಇಂಗ್ಲೀಷ್ ಮಯ ಮಾಡ ಹೊರಟರೆ ಹೇಗೆ?.

ಗೊತ್ತಿಲ್ಲದಿರುವ ವ್ಯಕ್ತಿಯೊಬ್ಬನನ್ನು ’ನೀನು’ ತಾನು ಎಂದು ಸಂಭೋದಿಸುವುದು ನೀವು ಬೆಳೆದು ಬಂದ ಸಂಸ್ಕೃತಿಯನ್ನು ತೋರಿಸುತ್ತದಷ್ಟೆ.

ಇಂಗ್ಲೆಂಡ್ ದೇಶದಲ್ಲಿ ಒಂದು ಶಾಲೆಯಲ್ಲಿ ಸಂಸ್ಕೃತ ಕಲಿಕೆಯನ್ನು ಕಡ್ಡಾಯ ಮಾಡಿದ್ದಾರೆ ಎಂದು ಕಳೆದತಿಂಗಳು ಒಂದು ಪತ್ರಿಕೆ ವರದಿ ಮಾಡಿತ್ತು. ಇದಕ್ಕೆ ಕಾರಣವನ್ನು ಅಲ್ಲಿಯ ಪ್ರಾಂಶುಪಾಲರಿಗೆ ಕೇಳಲಾಗಿ ಅವರು ಸಂಸ್ಕೃತಕಲಿಕೆಯಿಂದ ಮಕ್ಕಳ ಮೇಧಾ ಶಕ್ತಿ ಹೆಚ್ಚುತ್ತದೆಂದೂ, ಅವರ ಗಣಿತ, ವಿಜ್ಞಾನ ವಿಷಯಗಳ ಗ್ರಹಿಕಾ ಸಾಮರ್ಥ್ಯ ಹೆಚ್ಚುತ್ತದೆಂದೂ ಸಂಶೋಧನೆಗಳಿಂದ ತಿಳಿದುಬಂದಿರುವುದರಿಂದ ಈ ರೀತಿ ಸಂಸ್ಕೃತ ಕಲಿಕೆಯನ್ನು ಕಡ್ಡಾಯ ಮಾಡಲಾಗಿದೆ ಎಂದು ಹೇಳಿದರಂತೆ.

ವಿದೇಶೀಯರು ನಮ್ಮಲ್ಲಿನ ಯೋಗ, ಆಯುರ್ವೇದಗಳಿಗೆ ಪೇಟೆಂಟ್ ಮಾಡಲು ನೋಡುತ್ತಿರುವ ಸಮಯದಲ್ಲಿ ನಾವು ಇವೆಲ್ಲವೂ ಇರುವ ಭಾಷೆಯಾದ ಸಂಸ್ಕೃತವನ್ನು ಕಡೆಗಣಿಸುವುದು ಸರಿಯೇ? ಸಂಸ್ಕೃತದ ಕೆಲವು ಪದಗಳು, ಉರ್ದುವಿನ ಕೆಲವು ಪದಗಳು ನಮ್ಮ ಆಡುಭಾಷೆಯಲ್ಲಿ ಶತಶತಮಾನಗಳಿಂದ ಸೇರಿ ಹೋಗಿವೆ. ಈಗ ಅವುಗಳನ್ನು ಹೆಕ್ಕಿ ತೆಗೆಯುವ ದುರ್ಬುದ್ಧಿ ಏಕೆ?