ಕೆಡೆನುಡಿಯಿಲ್ಲ ಒಡನುಡಿ ಅಯಿತೆ..

ಆನ್ ಬಿಡಿಸಲ್ ತಿಣಿಕಿರ್ಪೆನ್..

ಕುಱಿತಂತು ಪೆಱರ ಬಗೆಯಂ
ತೆಱೆದಿರೆ ಪೆಱರ್ಗಱಿಪಲಾರ್ಪವಂ ಮಾತಱಿವಂ
ಕಿಱಿದಱೊಳೆ ಪಿರಿದುಮರ್ಥಮ
ನಱಿಪಲ್ ನೆಱೆವಾತನಾತನಿಂದಂ ನಿಪುಣಂ

ಕುಱಿತು ಅಂತು ಪೆಱರ ಬಗೆಯನ್
ತೆಱೆದಿರೆ ಪೆಱರ್ಗೆ ಅಱಿಪಲ್ ಆರ್ಪ-ಅವನ್ ಮಾತ್-ಅಱಿವನ್
ಕಿಱಿದಱ-ಒಳೆ ಪಿರಿದುಂ ಅರ್ಥಮನ್
ಅಱಿಪಲ್ ನೆಱಿ-ಮಾತನ್ ಆತನಿಂದಂ ನಿಪುಣನ್

ಕುಱಿತು = ಗುರಿ ಮಾಡಿ, ಉದ್ದೇಶಿಸಿ
ಅಂತು = ಹಾಗೆ, ಅಲಾ, ಆ ಬಗೆಯಲ್ಲಿ, ಆ ತೆಱನಿದೆ ಎಂದು
ಬಗೆಯನ್ = ಬಗೆಯನ್ನು, ರೀತಿಯನ್ನು, ಶಯಿಲಿಯನ್ನು
ತೆಱಿದಿರೆ = ತೆಱಿದಿಟ್ಟರೆ, ಬಿಚ್ಚಿ ಹೇೞಿರೆ, ಬಗೆಬಗೆಯಾಗಿ ಹೇೞಿರೆ
ಪೆಱರ್ಗೆ = ಬೇಱೆಯವಱಿಗೆ, ಅನಿಯರಿಗೆ
ಅಱಿಪಲ್ = ಅಱುಹಲ್, ತಿಳಿಸಲ್, ಬೋದಿಪಲ್
ಆರ್ಪವನ್ = ಆರ್ಪುವುಳ್ಳವನ್, ಸಮರ್ತನಾದವನ್, ಶಕುತಿಯುಳ್ಳವನ್
ಮಾತ್-ಅಱಿವನ್ = ಮಾತು ಅಱಿಯುವನು, ನುಡಿ ತಿಳಿಯುವನು, ಬಾಶೆಯ ಜ್ನಾನವುಳ್ಳವನ್
ಕಿಱಿದಱ = ಕಿಱಿದು ಅದಱ, ಚಿಕ್ಕದರ, ಸಣ್ಣಗೆ ಇದುವುದಱ
ಕಿಱಿದಱೊಳೆ = ಚಿಕ್ಕದರಲ್ಲೇ, ಸಣ್ಣಗೇನೇ, ಸಂಕ್ಶಿಪ್ತವಾಗೇ
ಪರಿದುಂ = ಹಿರಿದು, ದೊಡ್ಡದು, ಮಹತ್ತರವಾದುದು, ಉನ್ನತವಾದುದು
ಅರ್ಥಮನ್ = ಅರ್ತವನ್ನ, ಹುಱುಳನ್ನು, ತಿರುಳನ್ನು, ಸಾರವನ್ನು
ಅಱಿಪಲ್ = ಹೇೞಲ್, ಅಱುಹಲ್, ತಿಳಿಸಲ್
ನೆಱೆ-ಮಾತಂ = ಕೂಡಿಸಿದ ಮಾತನ್ನು, ಹೆಣೆದ ನುಡಿಯನ್ನು, ಹೊಸೆದ ಮಾತನ್ನು, ಓಜಿದ ಮಾತನ್ನು
ಆತನಿಂದಂ = ಅವನಿಂದ
ನಿಪುಣನ್ = ಬಲ್ಲನ್, ಹೆಜ್ಜಾಣನ್, ಪೆೞಗಿದವನ್

ತಿಳಿವು :

ಬೇಱೆಯವರ ಬಗೆಯನ್ನು ಶಯಿಲಿಯನ್ನು ಬರೆವಣಿಗೆಯನ್ನು ಬಿಚ್ಚಿ, ಬಗೆಬಗೆಯಾಗಿ ವಿದವಿದವಾಗಿ ಬಿಡಿಸಿ ಬಿಡಿಸಿ ಬೇಱೆಯವರಿಗೆ ಹೇೞಿರೆ(ತಾನು ಅಱಿತುದಲ್ಲದೇ ಬೇಱೆಯವರಿಗೆ ಅಱುಹುವುದು) ಮಾತನ್ನು ನುಡಿಯನ್ನು ಬಾಶೆಯನ್ನು ಅಱಿತವನು, ಬಲ್ಲನು, ತಿಳಿದವನು.

ಚಿಕ್ಕದಾಗಿ, ಕಿಱಿದರಲ್ಲೇ, ಸಣ್ಣಗೇನೇ ಹಿಱಿದು, ದೊಡ್ಡದು, ಮಹತ್ತರವಾದ ಸಂಗತಿಯ ಹುಱುಳನ್ನು ತಿರುಳನ್ನು ಅರ್ತವನ್ನು ಸಾರವನ್ನು ತಿಳಿಸಲು, ಅಱುಹಲು, ಹೇೞಕೊಡಲು( ತಾನು ಕಲಿತು, ಬೇಱೆಯವಱಿಗೆ ತಿಳಿಸುವುದು. ) ಜೋಡಿಸಿದ ಮಾತು, ಓರಣದ ಮಾತು ಆ ನಿಪುಣನಿಂದ (ಆಗುವುದು).
=====================================
ಮಾಯ್ಸ!