ಕೆಂಡದ ದಾರಿಯ ಪಯಣ
July 5, 2008 - 11:59am — makrumanju
ಕೆಂಡದ ದಾರಿಯ ಪಯಣ
ಎಲ್ಲೋ ಹುಟ್ಟಿ ಎಲ್ಲೋ ಬೆಳೆದೆ
ಹೆತ್ತವರಿಂದ ನಾ ದೂರವಾದೆ
ನಾ ಬೀದಿಯಲ್ಲಿ ಬಿದ್ದ ಕೂಸು
ದುಷ್ಟರ ಪಾಲಿಗೆ ನಾನಾದೆ ಬಲಿಪಶು
ಕೆಂಡದ ರಾಶಿಯೇ ನನಗೆ ಹೆದ್ದಾರಿ
ದುಃಖದ ಮಡುವೆ ಹಾಸಿಗೆಯಾಗಿ
ಹಸಿವಿನ ಬಾಧೆ ಕಣ್ಣೀರಾಗಿ
ಉಕ್ಕುತ್ತಿದೆ ಹೃದಯಾಳದಲ್ಲಿ
ನೋವಿನ ಕಥೆಯ ಕೇಳುವರಿಲ್ಲ
ಹೃದಯದ ಭಾವನೆ ಆಲಿಸುವರಿಲ್ಲ
ಮನದಲ್ಲಿ ನೂರಾರು ಕನಸುಗಳು
ಭಗ್ನವಾಗಿ ಕರಗುತ್ತಿವೆ ಕಲ್ಪನಾ ದಿಗಂತದಿ
ಉಯ್ಯಾಲೆಯಾಗಿದೆ ನನ್ನಯ ಜೀವನ
ಸೂತ್ರವಿರದ ಗಾಳಿಪಟವಾಗಿ
ತೂಗಾಡುತ್ತಿದೆ ಬಿರುಗಾಳಿಗೆ ಸಿಕ್ಕಿ
ಹೃದಯದ ಭಾರ ಕರಗುವ ಆಲೋಚನೆ
ಬದುಕಿನ ಬವಣೆಯ ತೀರಿಸುವಲ್ಲಿ
ಅಂತ್ಯದ ಗಳಿಗೆಯ ಎಣಿಸುತ್ತಾ
ಹಗಲುಗನಸಿನ ಜಂಜಾಟದಲ್ಲಿ
ಮುಗಿಯುವುದೇ ನನ್ನ ಜೀವನ
- ಮಾ.ಕೃ.ಮಂಜು
- Login or register to post comments
- 216 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
- ನಿರ್ವಾಹಕರ ಗಮನಕ್ಕೆ ತನ್ನಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS: