ದನಿಯಱಿವು
ಕನ್ನಡ ದನಿಗಳ ಅಱಿವಿನ ಬಗ್ಗೆ ಬರೆಯುತ್ತಿದ್ದೇನೆ.
ಉಸಿರುಲಿಗಳು(ಸರಗಳು=ಸ್ವರಗಳು):
ಅ ಆ (ಕೊರಲು(ಳು)ಲಿ).
ಇ ಈ (ಅಂಗುೞುಲಿ).
ಉ ಊ (ತುಟಿಯುಲಿ).
(ಋ, ೠ) (ನೆತ್ತಿಯುಲಿ)
ಎ ಏ ಐ (ಕೊರಲಂಗುೞುಲಿ).
ಒ ಓ ಔ (ಕೊರಲ್ದುಟಿಯುಲಿ).
ತಡೆಯುಲಿಗಳು(ಬೆಂಜನಗಳು):
ಕ (ಖ) ಗ (ಘ) ಙ (ಕೊರಲುಲಿಗಳು) ನನ್ನ ಪ್ರಕಾರ ಮೆದುವಂಗುೞುಲಿ .
ಚ (ಛ) ಜ (ಝ) ಞ (ಅಂಗುೞುಲಿ).
ಟ (ಠ) ಡ (ಢ) ಣ (ನೆತ್ತಿಯುಲಿ) ನನ್ನ ಪ್ರಕಾರ (ಸುರುೞುಲಿ) (ನಾಲಿಗೆ ಉಚ್ಚರಿಸುವಾಗ ಸುರುೞಿಗೊಳ್ಳುತ್ತದೆ).
ತ (ಥ) ದ (ಧ) ನ (ಹಲ್ಲುಲಿಗಳು).
ಪ (ಫ) ಬ (ಭ) ಮ (ತುಟಿಯುಲಿಗಳು).
ಯ (ಅಂಗುೞುಲಿ).
ರ (ನೆತ್ತಿಯುಲಿ) ನನ್ನ ಪ್ರಕಾರ ಹಲ್ವೇರ್ತಟ್ಟುಲಿ (ಹಲ್ಲಿನ ಬುಡವನ್ನು ನಾಲಿಗೆ ಹೊಡೆಯುತ್ತದೆ).
ಱ (ಹಲ್ವೇರ್ನಡುಗುಲಿ) (ಹಲ್ಲಿನ ಬುಡದಲ್ಲಿ ನಾಲಿಗೆ ನಡುಗುತ್ತದೆ).
ಲ (ಹಲ್ಲುಲಿ).
ವ (ಹಲ್ದುಡಿಯುಲಿ) (ಹಲ್ಲು ಮತ್ತು ತುಟಿ).
(ಶ)(ಅಂಗುೞುಲಿ ).
(ಷ)(ನೆತ್ತಿಯುಲಿ ಮತ್ತು ಸುರುೞುಲಿ).
ಸ (ಹಲ್ಲುಲಿ).
ಹ (ಕೊರಲುಲಿ).
ಳ (ನೆತ್ತಿಯುಲಿ ಮತ್ತು ಸುರುೞುಲಿ).
ೞ (ಅಂಗುೞುಲಿ ಮತ್ತು ಸುರುೞುಲಿ).
ಹಾಗೆಯೇ ಙ, ಞ, ಣ, ನ, ಮ (ಅನುಸ್ವಾರ) ಆಯಾ ವರ್ಗದ ಜೊತೆಗೆ ಮೂಗುಲಿಗಳು ಕೂಡ.
ಯ, ರ,ಱ, ಲ, ವ, ಳ, ೞ (ನಡುವುಲಿಗಳು=ಅಂತಸ್ಥಗಳು ಉಸಿರುಲಿಗಳ ತೆಱ ವರ್ತಿಸಬಲ್ಲುವು)
ಶ, ಷ, ಸ, ಹ=(ತಳ್ಳುಲಿ=ಮಹಾಪ್ರಾಣ) (ಉಸಿರನ್ನು ತಳ್ಳಿ ಉಚ್ಚರಿಸಬೇಕಾಗುತ್ತದೆ. ಈ ತಳ್ಳುಲಿಗಳ ಗುಂಪಿಗೆ ವರ್ಗದ ಎರಡು ಮತ್ತು ನಾಲ್ಕನೆಯ ಅಕ್ಷರಗಳು ಸೇರುತ್ತವೆ)
ಗದಱುಲಿ/ಗಜಱುಲಿಗಳು= ಉಸಿರುಲಿಗಳು, ವರ್ಗದ ಮೂಱು, ನಾಲ್ಕು ಐದನೆಯ (ಗ, ಘ, ಙ ಇತ್ಯಾದಿ) ಅಕ್ಷರಗಳು ಮತ್ತು ಯ, ರ,ಱ, ಲ, ವ, ಳ, ೞ, ಹ(ಇವುಗಳನ್ನುಲಿಯುವಾಗ ದನಿಪೆಟ್ಟಿಗೆ ನಡುಗುತ್ತದೆ).
ಕಿಱುಚುಲಿಗಳು= ವರ್ಗದ ಮೊದಲ ಮತ್ತು ಎರಡನೆಯ ಅಕ್ಷರಗಳು ಮತ್ತು ಶ, ಷ, ಸ (ಇವುಗಳನ್ನು ಉಚ್ಚರಿಸುವಾಗ ದನಿಪೆಟ್ಟಿಗೆ ನಡುಗುವುದಿಲ್ಲ)
- Login or register to post comments
- 300 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
- ನಿರ್ವಾಹಕರ ಗಮನಕ್ಕೆ ತನ್ನಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ಉ: ದನಿಯಱಿವು
ಉಲಿಯರಿವು ತುಂಬಾ ಚನ್ನಾಗಿದೆ..
ಒಂದು ಟೇಬಲ್ಲಲ್ಲಿ ಹಾಕಿ ತಿಳಿಸಲು ಆದರೆ ನೋಡಿ.
ಒಂದು ಪಾಪೆ/ಚಿತ್ರದಲ್ಲಿ ಹೇಳಲು ತಿಣುಕಿ.
ದಯವಟ್ಟು ಶಂಕರಬಟ್ಟರ ಹೊತ್ತಗೆ ನೋಡಿ..
ಮೂರು ಬೇರುಉಸಿರುಲಿಗಳು ಅ ಇ ಉ ಎಂಬುದು ಸಕ್ಕದ ನಂಬಿಕೆ ಎ = ಅ + ಇ, ಒ = ಅ + ಉ ಮುಂತಾದವು..
ಆದರೆ ಕನ್ನಡದಲ್ಲಿ ಅಯ್ದು. ಎ ಇ ಉ ಒ ಅ. ಇವುಗಳಲ್ಲಿ ಎ ಮತ್ತು ಇ ನಾಲಗೆಯ ಮೇಲೆ, ಉ ಒ ಅ ನಾಲಗೆಯ ನಡುವಲ್ಲಿ ಉಲಿಯಲಾಗುವುವು.! ಉದ್ದುಸಿರುಲಿಗಳನ್ನು ಬೇರೆಯಾಗಿ ಎಣಿಸಬೇಕಿಲ್ಲ!
ಒಳ್ಳೆಯ ಅರಿಮೆ!
=====================================
ಮಾಯ್ಸ!
ಉ: ದನಿಯಱಿವು
ಇದು ಆ ಭಾಷೆಯ ಮಟ್ಟಿಗೆ ಸರಿ . ಅಲ್ಲಿ ಎ ಮತ್ತು ಒ ಎಂಬ ಗಿಡ್ದುಲಿಗಳೇ ಇಲ್ಲ. ಅಲ್ಲಿರುವುದು ಬರೇ ಏ, ಓ ಮಾತ್ರ ಅಂತ ನನ್ನ ತಿಳುವಳಿಕೆ.
ಉಚ್ಚಾರಣೆಯ ರೀತಿಯಲ್ಲಿ
ಏ= ಅ + ಇ(ಮೊಟಕು), ಐ= ಅ + ಇ(ಮೊಟಕಿಲ್ಲದ )
ಓ = ಅ + ಉ(ಮೊಟಕು), ಔ=ಅ + ಉ(ಮೊಟಕಿಲ್ಲದ )
ಇದರಿಂದ ಆಗೋ ಎಡವಟ್ಟು. "ಮಹೇಶ " ಎರಡು ಭಾಷೆಗಳಲ್ಲೂ ಒಂದೇ ತರ. ಆದರೆ ಕನ್ನಡದ "ವೆಂಕಟ" ಸಂಸ್ಕ್ರುತದಲ್ಲಿ "ವೇಂಕಟ" ವಾಗುತ್ತಾನೆ
ಆದರೆ ಕನ್ನಡದಲ್ಲಿ ಎ ಮತ್ತು ಒ ಸ್ವತಂತ್ರ ಗಿಡ್ಡ ಸ್ವರಗಳಾಗಿ ಬರುತ್ತವೆ. ನೀವು ಹೇಳಿದ ಹಾಗೆ ಇವನ್ನು ಬೇರುಲಿಗಳೆಂದೇ ಎಣಿಸಬೇಕು.
ಕೊಡು ಮತ್ತು ಕೋಡುಗಳ ನಡುವೆ ವ್ಯತ್ಯಾಸವಿದೆಯಲ್ಲ ಸ್ವಾಮಿ.
ಉ: ದನಿಯಱಿವು
ಕೇವೆಂ ಹೀಗೆಂದರು:
ಇಲ್ಲಿ ಮಾತ್ರ ಸಂಸ್ಕೃತದ ವೇಂಕಟವೇ ಸರಿ; ಏಕೆಂದರೆ, ಮೂಲಪದ ತಮಿಳಿನ ವೇಂಗಡ; ಅದು ಸಂಸ್ಕೃತದಲ್ಲಿ ವೇಂಕಟವಾಗಿದೆ. ಕನ್ನಡದಲ್ಲಿ ಯಾಕೋ ದೀರ್ಘವನ್ನು ತೊರೆದು, ವೆಂಕಟವಾಗಿದೆ.
ಆದರೆ ಬೇರೆ ನೂರಾರು ಕಡೆ ಈ ತೊಂದರೆ ಇರುವುದು ನಿಜವೇ. ( ಅದಕ್ಕೇ ಮರಾಠಿಗಳು ಬೆಳಗಾವಿಗೆ ಬೇಳಗಾಂವ್ ಎಂದು ಹೇಳುವುದು!)
-ಹಂಸಾನಂದಿ
ಪುರಂದರ ದಾಸರ ರಚನೆಗಳಿಗಾಗಿ ಇಲ್ಲಿ ಚಿಟಕಿಸಿ :- http://purandara.wordpress.com/
ಉ: ದನಿಯಱಿವು
ಸಾಮಾನ್ಯವಾಗಿ ಅಕ್ಷರದ ಮುಂದೆ ಒತ್ತಕ್ಷರವಿದ್ದರೆ(ಅನುಸ್ವಾರವಿದ್ದರೆ ಎರಡೂ ಒಂದೇ) ಹಿಂದಿನ ದೀರ್ಘ ಕನ್ನಡದಲ್ಲಿ ಹ್ರಸ್ವವಾಗುತ್ತದೆ. ನೋಡಿ ಕಾಣು. ಕಾಣ್+ದ+ನು=ಕಂಡನು. ಹಾಗೆಯೇ ಹಿಂದಿಯ ರಾಸ್ತಾ ರಸ್ತೆ (ಒತ್ತಕ್ಷರ).
ಉ: ದನಿಯಱಿವು
ಕೇವೆಂ ನೀವು ಹೇಳಿದ್ದು ಸರಿ...
ನಾನು ಹೇಳ ಹೊರಟಿದ್ದು.. ಸಕ್ಕದಲ್ಲಿ ಅ ಇ ಉ (ಋ?) ಗಳನ್ನು ಬೀಜಸ್ವರಗಳೆಂದು ಏ ಐ ಓ ಔ ಗಳನ್ನು ಸಂಯುಕ್ತಸ್ವರ ಎನ್ನುವುದುಂಟು.. ಅದನ್ನು ಅರುಹಲು ಹೋಗಿ ಹೀಗೆ ಆಯಿತು..
ಎಳ್ಳೂರು ಮರಾಟಿಯಲ್ಲಿ ಯಳ್ಳೂರು ಅಂತೆ
ಹಾಗೆ ಕೆರೆ = ಕ್ಯರೆ
ಕೊರೆ = ಕ್ವರೆ...
ಹೀಗೆ ದ್ರಾವಿಡದಿಂದ/ಕನ್ನಡದಿಂದ ಸಕ್ಕದಕ್ಕೆ ಒರೆಗಳು ಹೋದಾಗೆ ಹೀಗೆ ಆಗಿರುತ್ತದೆ.. ಸೊಲ್ => ಸ್ವಲ್ .. ಇದನ್ನು ಗಮನಿಸಿದರೆ.. ಹಲವು ಸಕ್ಕದದ ಒರೆಗಳು ದ್ರಾವಿಡ ಮೂಲದವು ಎಂದು ತೋರಿಸಬೋದು.
=====================================
ಮಾಯ್ಸ!
ಉ: ದನಿಯಱಿವು
ಆದರೆ ಶಂಕರಬಟ್ಟರು ಹೇಳಿರುವುದ್ ಹೀಗೆ ಅನ್ಸುತ್ತೆ
ಕೊರಳಿಸದ ಉಲಿಗಳು - ಕ,ಟ ತ,ಪ
ಕೊರಳಿಸಿದ ಉಲಿಗಳು - ಗ,ಡ,ದ,ಬ
ಮಾದರಿ:
ಮಗು- ಮಕ್ಕಳು
ಪುಟ್ಟಿ - ಬುಟ್ಟಿ
--
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು
ಉ: ದನಿಯಱಿವು
(ಋ, ೠ) - ಇವುಗಳ ಸರಿಯಾದ ಉಚ್ಚಾರಣೆ ನಿಮಗೆ ಬರುತ್ತದೆಯೆ? ಒಬ್ಬೊಬ್ಬರು ಒಂದೊಂದು ತರ ಹೇಳ್ತಾರೆ.
ಒಮ್ಮೆ ಕೇಳೋಣ ಅಂತ ತವಕ.
ಉ: ದನಿಯಱಿವು
ವಯ್ಬವರೇ..
ಕೊರಳಿಸದ ಮತ್ತು ಕೊರಳಿಸಿದ ಇದೂ ಕೂಡ ಒಳ್ಳೇ ಹೆಸರುಗಳೇ..
ಆದರೆ ಗರಚು ಮತ್ತು ಕಿರುಚು ಇದು ಚನ್ನಾಗಿದೆ...
ಕೆಳೆಯ = ಗೆಳೆಯ
ಪುಟ್ಟಿ = ಬುಟ್ಟಿ
ಕೆಂಡೆ = ಗೆಂಡೆ
ಕುಂಡಿ = ಗುಂಡಿ
ಕುಳಿ = ಗುಳಿ
ಕೆರೆ(ಪರಚು) = ಗೆರೆ( ಪರಚಿ ಆದುದು )
ಕೊಂಬು/ಕುಂಬು = ಗುಮ್ಮು
=====================================
ಮಾಯ್ಸ!
ಉ: ದನಿಯಱಿವು
ಗರಚು ಪದವಿಲ್ಲ. ಗದಱು ಅಥವಾ ಗಜಱು ನಮಗೆ ಒಪ್ಪಿಗೆ. ಏಕೆಂದರೆ ಇಲ್ಲಿ ಒಂದೇ ಒಂದು ಕಿಱುಚುಲಿಗಳಿಲ್ಲ. ಆದರೆ ’ಗರಚು’ ಹೇೞುವಾಗ ವಾಹನಕ್ಕೆ ಥಟ್ಟನೆ ತಡೆಯೊಡ್ಡಿದ ಕೂಡಲೇ ಗಕ್ಕೆಂದು ನಿಲ್ಲುವ ’ಚ’ ಕೊನೆಯಲ್ಲಿದೆ. ಇದೊಂದು ಭಾಷಾಭ್ಯಾಸದ ದೃಷ್ಟಿ ಅಷ್ಟೇ. ನೀವು ಗರಚು ಬಳಸಿದರೆ ನಮ್ಮ ಅಭ್ಯಂತರವಿಲ್ಲ.
ಉ: ದನಿಯಱಿವು
ಇಲ್ಲ ಇಲ್ಲ
ನೀವು ಗಜರು ಸರಿಯಾಗಿ ಹೇಳಿದ್ದೀರಿ.. ನಾನೇ ತಪ್ಪು ಬರೆದುದು..
ನಿಮ್ಮ ಈ ಬರಹ ತುಂಬಾ ಚನ್ನಾಗಿದೆ....
ದಯವಟ್ಟು(ದಯ+ಪಟ್ಟು) ಒಂದು ಟೇಪಲ್ಲ ಬರೆಯಿರಿ...
ಹಾಗೇ ಕನ್ನಡದಲ್ಲಿ ಸ್ಪರ್ಶ, ಊಶ್ಮ ಈ ವಿಂಗಡಣೆ/ಹಂಚಿಕೆ ಬೇಕೇ ಬೇಡವೇ ತಿಳಿಸಿರಿ..
ದನಿಯರಿವುಗಿಂತ ಉಲಿಯರಿವು ಅನ್ನೋದು ಹೆಚ್ಚುತಕ್ಕಹೆಸರು..
ಸಾರ್.. ನಿಮ್ಮ ಈ ಅರಿಮೆಯನ್ನು ಒಂದು ಹದ/ಓಜೆ/ಕ್ರಮದಲ್ಲಿ ಜೋಡಿಸಿರಿ.. ತುಂಬಾ ನೆರವಾಗುವುದು
=====================================
ಮಾಯ್ಸ!
ಉ: ದನಿಯಱಿವು
ಅವರು ದನಿಪೆಟ್ಟಿಗೆಗೆ ಕೊರಲೆಂದಿರಬಹುದು. ದನಿಪೆಟ್ಟಿಗೆ ಕೊರಲಿನ ಒಂದು ಅಂಗ. ಅದು ನಡುಗಿದರೆ ಈ ಗದಱುಲಿಗಳು ಉತ್ಪತ್ತಿಯಾಗುತ್ತವೆ. ದನಿಪೆಟ್ಟಿಗೆಗೆ ಇನ್ನೊಂದು ಪದ ಮೆಟ್ರೆ. ಮೆಟ್ರೆಯುಲಿ ಎಂದೂ ಹೇೞಬಹುದೇನೋ?
ಉ: ದನಿಯಱಿವು
(ಋ, ೠ) - ಇವುಗಳ ಸರಿಯಾದ ಉಚ್ಚಾರಣೆ ನಿಮಗೆ ಬರುತ್ತದೆಯೆ? ಒಬ್ಬೊಬ್ಬರು ಒಂದೊಂದು ತರ ಹೇಳ್ತಾರೆ.
ಒಮ್ಮೆ ಕೇಳೋಣ ಅಂತ ತವಕ.
ಉ: ದನಿಯಱಿವು
ಸ್ವರರಹಿತ ’ರ್’ ಉಚ್ಚರಿಸುವಾಗ ಉಸಿರು ತಡೆಯದೆ ಬಿಡಲು ಪ್ರಯತ್ನಿಸಿ. ಆಗ ’ಋ’ ಸ್ವರ ಉಚ್ಚರಿಸಬಹುದು. ಹಾಗೆಯೇ ಅದರ ದೀರ್ಘ ’ೠ’. ಇಷ್ಟೆ ಅಲ್ಲದೆ ’ಲ್’ ಉಚ್ಚರಿಸುವಾಗ ಉಸಿರು ತಡೆಯದಿದ್ದರೆ ಸಂಸ್ಕೃತದಲ್ಲಿ ಬಳಸುವ ऌ. ಹಾಗೆಯೇ ’ೞ’ ಮತ್ತು ’ಳ’ ಗೆ ಸಂಬಂಧಿಸಿದಂತೆ ಸ್ವರಗಳಿವೆ. ಅದನ್ನು ಹಿಂದಿನವರಾರೂ ಪ್ರಯತ್ನಿಸಿಲ್ಲ. (ಸಂಸ್ಕೃತದಲ್ಲಿ ’ಳ’ ಮತ್ತು ’ೞ’ ಇಲ್ಲ.). ಆದ್ದಱಿಂದ ಯ, ರ, ಲ, ವ, ಳ, ೞ ಗಳನ್ನು ಅಂತಸ್ಥವೆಂದರು (semivowels)
ಉ: ದನಿಯಱಿವು
ಕನ್ನಡದ್ದಲ್ಲದ ಇನ್ನೆರಡು ಸೇರಿಕೆ:
ಪ಼್ (ಕಿಱುಚಾದ ಹಲ್ದುಟಿಯುಲಿ)
ಜ಼್ (ಗದಱಾದ ಹಲ್ಲುಲಿ)
ಉ: ದನಿಯಱಿವು
ಈ ಸ್ಪರ್ಷಗಳು ಬೇಕಾಗುತ್ತವೆ. ಸಂಪೂರ್ಣವಾಗಿ ಉಸಿರು ತಡೆಯುವ ಈ ತಡೆಯುಲಿಗಳನ್ನು ಕಡುತಡೆಯುಲಿಗಳೆನ್ನಬಹುದು. ತಳ್ಳುಲಿಗಳು ನಿಜವಾಗಿ ಎರಡೇ ಅಚ್ಚಗನ್ನಡದಲ್ಲಿ , ಸ ಮತ್ತು ಹ.
ಉ: ದನಿಯಱಿವು
ತಡೆಯುಲಿ ಎಂದು ಶಂಕರಬಟ್ಟರೂ ಹೇಳುತ್ತಾರೆ...
ಮತ್ತೊಮ್ಮೆ ಓದಿ ಹೇಳುವೆನು..
ನನ್ನಿ.!
=====================================
ಮಾಯ್ಸ!
ಉ: ದನಿಯಱಿವು
’ೞ’ ;ೞಿ’ ಈ ಒರೆಗಳನ್ನು ಹೇಗೆ ಉಲಿಯುವುದು???
ನಿಮ್ಮವ,
ಗಿರೀಶ ರಾಜನಾಳ
ಉಡಾಳ ಓಣಿ ಕೆಡಸಿದರ...ಸಂಭಾವಿತ ಊರನ್ನೇ ಕೆಡಸಿದನಂತೆ....!!!
ಉ: ದನಿಯಱಿವು
ಅದರ ಬಗ್ಗೆ ಕನ್ನಡ ಕಂದ ಒಂದು ಬರಹ/ಚರ್ಚೆ ಹಾಕಿದ್ದಾರೆ ನೋಡಿ..
=====================================
ಮಾಯ್ಸ!
ಉ: ದನಿಯಱಿವು
ಮಾನ್ಯ ಗಿರೀಶ್ರವರೆ,
ಹೌದು. ಇಲ್ಲದೇ ಹೋದರೆ ಹೇೞಿದ್ದನ್ನೆ ಹೇೞಿದಂತೆ ಆಗುವುದು.
ಉ: ದನಿಯಱಿವು
ಆದೇಶ ಸಂಧಿ ವಿಶೇಷವಾಗಿ ಕ ತ ಪ ಗಳಿಗೆ ಗ ದ ಬ ಆದೇಶವಾಗಿ ಬರುವುದು ಕೆಲವು ವೇಳೆ ಸ ಕ್ಕೆ ಜ ಬರುವುದು ಹಾಗೂ ಸಾಮಾನ್ಯವಾಗಿ ತಮಿೞ್ ಮಲಯಾಳಂಗಳಲ್ಲಿ ಪದದ ನಡುವಿನ ಕ ಚ ಟ ತ ಪಗಳು ಗ ಜ ಡ ದ ಬ (ಅಂದರೆ ಕಿಱುಚುಲಿಗಳು ಗದಱುಲಿಗಳಾಗುವುದು) ಉಚ್ಚಾರ ಸರಾಗವಾಗಲಿ ಎಂದು. ಕಿಱುಚುಲಿಗಳು ಪದವುಲಿವಿಗೆ (ವಾಹನಕ್ಕೆ ಗಕ್ಕೆಂದು ತಡೆಯೊಡ್ಡಿದಂತೆ) ತಡೆಯೊಡ್ಡುವುದಱಿಂದ ಈ ವ್ಯವಸ್ಥೆ. ಹಾಗೂ ಕನಡ ಮತ್ತು ತೆಲುಗಿನ ಪದದ ಮೊದಲಿಗೂ ಇತರ ತೆನ್ನುಡಿಗಳಲ್ಲಿ ಕಿಱುಚುಲಿ ಇದ್ದರೂ ಗದಱುಲಿ ಆಗುವುದಕ್ಕೆ ಇದೊಂದು ಕಾರಣ.
ಉದಾಹರಣೆ ಕುಱಿ=ಗುಱಿ (ಕನ್ನಡ ತೆಲುಗೆರಡರಲೂ) ಕುಱಿ=ಕನ್ನಡದಲ್ಲೂ ಇದೆ.
ಕುದುರೆ= ತೆಲುಗಿನಲ್ಲಿ ಗುರ್ರ
ಹಾಗೆಯೇ ನೋಡಿ ಕುೞಿ(ಣಿ)->ಗುೞಿ(ಣಿ), ತಱಗು=ದಱಗು(ಸಾಮಾನ್ಯವಾಗಿ ಜನ ಹೇೞುವುದು)
ಕಸಕಸೆ=ಗಸಗಸೆ ಇತ್ಯಾದಿ ಇತ್ಯಾದಿ.