ನಾ ಕಂಡೆ ಒಂದು ರಾಜಕೀಯದ ಕನಸು

ನನಗಾಗಿತ್ತು ಆಗ ಎಂಬತ್ತರಾ ವಯಸ್ಸು,

ಕಾಣಲು ಇಂಥಹ ಕನಸು,ಮರೆತನು ಮುದಿವಯಸು|

ಮುಂದುವರಿಯಿತು ನನ್ನ ಕನಸು--

ನಾನಾದೆ ಮುಖ್ಯಮಂತ್ರಿ-ಸಿಕ್ಕಿತು ಪದವಿ,

’ನೀವೇ ರಾಜ್ಯವನ್ನಾಳಿ,ನೀವೇ

ರಾಜ್ಯವನ್ನಾಳಿ’ಎಂದು ಎಲ್ಲರ ಮನವಿ|

ಉತ್ತಮ ರಾಜ್ಯ ನಿರ್ಮಣ-ನನ್ನ ಕನಸಿನೊಳಗಿನ ಕನಸು,

ತೋರಿದೆ ಪ್ರಾಮಾಣಿಕತೆ-ಸಹಚರಿಗಳಿಗೆ ನನ್ನಮೇಲೆ ಮುನಿಸು|

"ರಾಜ್ಯ ನಮ್ಮದು-ಜನರು ನಮ್ಮವರು,

ಜನರ ಸಂಪತ್ತು ನಮ್ಮ ಸಂಪತ್ತು,

ಇವರ ಸಂಪತ್ತನ್ನು ತಮ್ಮಲ್ಲಿ ಇಟ್ಟಿಕೊಂಡು

ಸ್ವಂತಕ್ಕೆ ಮಜಾಮಾಡು ಎಲ್ಲಾ ಬಚ್ಚಿಕೊಂಡು"

ಎಂಬ ರಾಜಕೀಯ ನೀತಿ ಕಲಿತೆ ರಾಜಕೀಯ ಗುರುಗಳಿಂದ,

ಮರೆತೆ ಜನರಪ್ರೀತಿ,ಪ್ರಾಮಣಿಕತೆ ನನ್ನ ಹೃದಯದಿಂದ|

ತಟ್ಟನೆ ಎದ್ದೆ ನಿದ್ದೆಯಿಂದ, ನಿಜವೆನಿಸಿತು

"ಬದಲಾಗದು ರಾಜಕೀಯ-ಬದಲಿಸಿಕೊ ನಿನ್ನ ಕನಸನು"||