ಮರೆತು ಮರೆಯಾಗಲು ಮೋಡದ ಹನಿಯಲ್ಲ..
ಕ್ಷಣವತ್ತು ಕಣ್ಣೊರಸಲು ಬೀಸಿದ ಬಿರುಗಾಳಿಯಲ್ಲ.
ಬೇಸಿಗೆಯ ಭಾನಿನೊಳು ಬಣ್ಣ ಬಣ್ಣದ ಕನಸುಗಳಿವು..
ಎಂದೋ ನುಡಿದ ಮಾತುಗಳು ಇಂದೆನ್ನ ಕಾಡುತಿಹವು...!!

ನನ್ನ ಮರೆತು ನೀನಿರಬಹುದು..
ನಿನ್ನ ಮರೆತು ನಾ ಬಾಳೆನು....!!

ನಾವು ನಡೆದ ನಡಿಗೆಯು ಎಮ್ಮ ನೋಡಿ ನಡುಗುತಿಹುದು..
ನಾವು ಸುತ್ತಿದ ಮರ ಗಿಡಗಳು ಸೊಸಿಹುದು ಕಂಭನಿಯ..!!
ನಾವು ಸವಿದ ಮಲ್ಲಿಗೆಯ ಕಂಪು ಬೆದರಿ ಬಾಡಿಹುದಿಂದು..
ನುಡಿದಸ್ಟು ಸುಲಭವಲ್ಲ ನಿನ್ನ ಮರೆತು ಮರೆಯಾಗಲು..!!

ನನ್ನನಗಲಿ ನೀ ಜೀವಿಸಬಹುದು...
ನಿನ್ನ ಮರೆತು ನಾ ಉಸಿರಾಡೆನು....!!

ನಮ್ಮ ಪ್ರೇಮ ಗಾನವದುವೆ ಕೋಗಿಲೆಗೂ ಮೀರಿಸಿತ್ತು..!!
ಮನದ ಒಲುಮೆಯ ಕುಣಿತವದುವೆ ನವಿಲನು ನಾಚಿಸಿತ್ತು..
ನಮ್ಮ ಪಿಸುಮಾತುಗಳವು ತಂದಿತ್ತು ಗುಡುಗಿಗು ಗಾಬರಿಯ..!!
ಇಂದೇಕೆ ಮರೆಯಲಿ ನಿನ್ನ, ಎನ್ನ ಕಣ್ತೆರೆಸಿದ ಪ್ರೀತಿಯನ್ನ..!!

ಅಂದು ಇಂದು ಎಂದೂ ಇರುವೆ ನೀನು..
ಎನ್ನೀ ಹೃದಯದ ಅರಮನೆಯಲಿ..!!

ಕನಸಿನಲ್ಲೊ ಸೊಗಸಕಾಣೊ ಅಪ್ರತಮ ಪ್ರೀತಿ ನೀನು..!!
ನಿನ್ನ ನೊಂದ ಮನವನಿನ್ನು ನಾನೆಂದೂ ನೋಯಿಸೆನು..
ಮನದ ಬಡಿತ ಮರೆಯಾದೀತು, ನಿನ್ನ ಮರೆತ ಮರುಕ್ಷಣವೆ..!!
ಹಾರಿ ತುಂಬ ಬಯಸುವೆ ನಿನ್ನ, ಸೇರಿ ಮಾಡಲು ಬಾಳುವೆ..!!

ಮರೆಯದಿರೆನ್ನ ನಿನ್ನ ಕನಸಿನಲ್ಲೂ...
ನಿನ್ನನಗಲಿ ನಾ ನಲಿಯಲಾರೆ...!!

-ಯುವಪ್ರೇಮಿ