ಪ್ರಿಯ ನರೇಂದ್ರರೇ,

ನಮಸ್ಕಾರ. ನಿಮ್ಮ ಲೇಖನ ಓದಿ ಖುಶಿಯಾಯಿತು. ಜಯಂತರನ್ನು ಓದಬೇಕೆಂಬ ತುಡಿತದಿಂದ ನಾನು ಬಹಳ ಹಿಂದೆಯೇ ಈ "ತೂಫಾನ್ ಮೇಲ್" ಹೊತ್ತಗೆಯನ್ನ ಕೊಂಡುಕೊಂಡೆ. ಅದು ನಾನು ಓದಿದ ಜಯಂತರ ಮೊದಲನೇ ಹೊತ್ತಗೆ. ನಾನು ಕೆಲ ತಿಂಗಳ ಹಿಂದೆಯೇ ಜಯಂತರ ಕುರಿತು ಒಂದು ಸಾಮಾನ್ಯ ಲೇಖನ ಬರೆದಿದ್ದೆ. ನೀವು ಹೆಚ್ಚು ಸೂಕ್ಷ್ಮವಾಗಿ, ಸಾಹಿತ್ಯಿಕವಾಗಿ ಬರೆದು ಒಳ್ಳೆಯ ಕೆಲಸ ಮಾಡಿದ್ದೀರಿ. "ತೂಫಾನ್ ಮೇಲ್"ಅನ್ನ ನಾನು ಬಿಡಿಬಿಡಿಯಾಗಿ ಓದಿದ್ದರಿಂದಾಗಿ ಸಮಗ್ರವಾಗಿ ಗ್ರಹಿಸಲು ಸಾಧ್ಯವಾಗಲಿಲ್ಲ. ನಿಮ್ಮ ಲೇಖನ ನೋಡಿದ ಮೇಲೆ ಮತ್ತೊಮ್ಮೆ ಓದಿ ಆ ಕುರಿತು ಬರೆಯುವಾ ಅನ್ನಿಸ್ತಿದೆ.

ತಾವು ಮಾಡುವ ಯಾವುದೇ ಕೆಲಸದಲ್ಲಾಗಿರಲಿ ತಮ್ಮದೇ ಛಾಪು ಮೂಡಿಸುವ ಜಯಂತರದು ಅಪ್ರತಿಮ ಪ್ರತಿಭೆ- ಅದು ಚಿತ್ರ ಸಾಹಿತ್ಯವಾಗಿರಬಹುದು, ಕತೆಗಳಾಗಿರಬಹುದು, ಸಂದರ್ಶನಗಳಾಗಿರಬಹುದು, ಭಾವನಾದಂತಹ ಪತ್ರಿಕೆಯ ಸಂಪಾದನೆಯಾಗಿರಬಹುದು. ಅವರು ಒಂದು ವೇಳೆ ಚಿತ್ರ ನಿರ್ದೇಶನಕ್ಕೂ ಇಳಿದುಬಿಟ್ಟಲ್ಲಿ ಅದು ಕನ್ನಡ ಚಿತ್ರರಸಿಕರ ಸೌಭಾಗ್ಯವೇ ಸರಿ!

ಸಿರಿಗನ್ನಡಂ ಗೆಲ್ಗೆ

ನಿಮಗೆ ಎಲ್ಲವೂ ಒಳ್ಳೆಯದಾಗಲಿ.

ವಿಶ್ವಾಸದಿಂದ,
ಶಶಿ
ಜಾಲತಾಣ: http://vishwamanava.mywebdunia.com/

ತುಂಬಾ ಸವಿಸ್ತಾರವಾದ ವಿಮರ್ಶೆ.
ಜಯಂತರ ಶಕ್ತಿ ನಮಗೆ ಅರಿವಾಗುವುದು, ನಮಗೆ ಕಾಣದ ಅತಿ ಸೂಕ್ಷ್ಮ ವಿವರಗಳು ಅವರಿಗೆ, ಅವರಿಗೆ ಮಾತ್ರ ಕಂಡಾಗ. ಇದಕ್ಕೆ ಒಂದು ಉತ್ತಮ ಉದಾಹರಣೆ ’ ಬೊಗಸೆಯಲ್ಲಿ ಮಳೆ’. ಅಲ್ಲಿ ಮಳೆಯ ಒಂದೊಂದು ಹನಿಗಳಷ್ಟೆ ಅಲ್ಲ, ಒಂದು ಹನಿಯ ಅಷ್ಟೂ ತವಕ ತಲ್ಲಣಗಳನ್ನು ಸೆರೆಹಿಡಿಯಬಲ್ಲಷ್ಟು ಹರಿತ ಅವರ ಲೇಖನಿ ಮತ್ತು ಮನಸ್ಸು.

ಒಲುಮೆಯಿಂದ,

ಯಜಮಾನ್ ಫ್ರಾನ್ಸಿಸ್

"ಇದು ಬಾಳು ನೋಡು, ಇದ ತಿಳಿದೆನೆಂದರೂ
ತಿಳಿದ ಧೀರನಿಲ್ಲ,
ಹಲವುತನದ ಮೈಮರೆಸುವಾಟವಿದು
ನಿಜವು ತೋರದಲ್ಲ......" (ಗೋಪಾಲಕೃಷ್ಣ ಅಡಿಗ)