ಮುಂಗಾರು ಮಳೆಗೆ ಮೈಯೊಡ್ಡಿದಾಗ..

ಮೈಗೆ ಮಳೆ ಹನಿಗಳ ಸ್ಪರ್ಶ

ಕಿವಿಗೆ ಮೆದುವಾದ ಪಟ ಪಟ ಸದ್ದು

ಕಣ್ಣು ಮುಚ್ಚಿ ನಿಂತ ಆ ಘಳಿಗೆಗೆ

ದೇಹ ಸಂಪೂರ್ಣ ಮುಳುಗಿ ಹೋದಂತೆ

ಮನಸ್ಸು ಮಾತ್ರ ಕಳೆದುಕೊಂಡು ತನ್ನೆಲ್ಲ ಭಾರ

ಆಗುವುದು ಹಗುರ ಹಗುರ

ತಿಳಿ ನೀಲಾಕಾಶದಂತೆ

ಹಾರಾಡುವ ಗಾಳಿಪಟದಂತೆ

ಜಿಗಿದಾಡುವ ಜಿಂಕೆಯಂತೆ ||

ಜೀವನವೆಂಬ ಒಂದೂರಿನಲಿ
ಇತ್ತೊಂದು ಸುಂದರ ಅರಮನೆ
ದೇಹವೆಂಬುದದರಾ ಹೆಸರು
ಇದ್ದುದು ಇಬ್ಬರೆ ಅದರೊಳಗೆ

ಒಬ್ಬನು ಕಾವಲುಗಾರ
ಹೆಸರವನದು ಬುದ್ಧಿಯೆಂದು
ಇನ್ನೊಬ್ಬ ಪುಟ್ಟ ರಾಜಕುಮಾರ
ಹೆಸರವನದು ಮನಸೆಂದು

ಇಬ್ಬರಿಗಿತ್ತು ಬಾಳ್ವೆಯ ನಂಟು
ಸಾಗುತಲಿದ್ದರು ಒಟ್ಟಾಗಿ
ಕಷ್ಟಗಳನೇಕ ಸುಖವದು ಅಲ್ಪ
ಸೇವಿಸುತಿದ್ದರು ಹಿತವಾಗಿ  ಮುಂದೆ ಓದಿ »

ನೂರಾರು ಆಸೆ-ಆಕಾಂಕ್ಷೆ..
ನೂರಾರು ಕಥೆ-ಕವನ..
ನೂರಾರು ವಿಚಾರ-ಮಂಥನ..
ನೂರಾರು ಜನ-ಜೀವನ ವಿಧಾನ..
ನಿರತನಾಗಿದ್ದ ಮಾನವ ಎಲ್ಲದರಲ್ಲೂ..
ಯಾಕೋ....
ತಾ ಬದುಕುವುದನ್ನೇ ಮರೆತಿದ್ದ!!

ಎಲೆ ಎಲೆಯಲ್ಲೂ ಹೂವಿನ ಪಕಳೆಗಳಲ್ಲೂ
ಮೂಡಿದೆ ಪ್ರೀತಿಯ ಇಬ್ಬನಿಯು
ಸವಿಯುತ ದಿನವೂ ಮೇಲೇರಿ ಬರುವ
ಸೂರ್ಯ ನಮ್ಮನ್ನೆಬ್ಬಿಸಲು
ಪ್ರಕೃತಿ ಸೊಬಗನು ಹೊಸ ಮುಂಜಾವನ್ನು
ಬಿಡದೆ ಸವಿಯೊ ಪ್ರತಿ ದಿನವೂ
ಬದುಕಿದು ಕೇವಲ ನಾಲ್ಕು ದಿನಗಳದು
ಮುಗಿದ ಮೇಲೇನಿದೆ ಬಲ್ಲವರಾರು?